ຊາວບ້ານເສັຽດິນໃຫ້ສູນ ການຄ້າ

ມະນີຈັນ
2016-05-20
ອີແມວລ໌
ຄໍາເຫັນ
Share
ພິມ
ແຂວງຫົວພັນ
ແຂວງຫົວພັນ
RFA

ທາງການລາວ ຈະເອົາດິນ ຈາກຊາວບ້ານ ຈຳນວນ 137 ຄອບຄົວ ຢູ່ບ້ານໜອງຄ້າງ ເມືອງຊຳເໜືອ ແຂວງຫົວພັນ ໃຫ້ໂຄງການ ສ້າງ ສູນການຄ້າ ຂນາດໃຫຍ່ ຂອງ ນັກລົງທຶນ ວຽດນາມ ຊຶ່ງ ຈະຕ້ອງມີການ ໂຍກຍ້າຍ ຊາວບ້ານ. ຕາມຄຳເວົ້າ ຂອງ ເຈົ້າໜ້າທີ່ ເມືອງ ຊຳເໜືອ ໃນວັນທີ 19 ພຶສພາ 2016:

"ສູນການຄ້າຂະເຈົ້າ ລະແມ່ນວ່າ ຢາກຕັ້ງບ່ອນ ບ້ານປະຊາຊົນ ທຸກມື້ນີ້ນະ ຈໍານວນ 137 ຄອບຄົວ ປະຊາຊົນ ຍົກຍ້າຍ ເຂົາກະສິ ມາຕັ້ງ ຂອງຄົນລາວ ບໍ່ຂອງຄົນວຽດ ເຮົາບໍ່ຮູ້ເດີ".

ທ່ານກ່າວວ່າ ແຕ່ກ່ອນ ມີຂ່າວວ່າຊາວບ້ານ ຈະຕ້ອງໄດ້ ເສັຽດິນ ໃຫ້ໂຄງການ ສ້າງສນາມບິນ ສາກົລ ໜອງຄ້າງ ຂອງ ບໍຣິສັດ ຮອງແອັງຍາລາຍ ຂອງ ວຽດນາມ. ແຕ່ມາ ປັຈຈຸບັນ ທາງ ບໍຣິສັດນີ້ ປ່ຽນໃຈ ບໍ່ຂຍາຍ ການກໍ່ສ້າງ ມາຮອດດິນ ຂອງ ປະຊາຊົນ ແລ້ວ. ແຕ່ ທາງການລາວ ຈະມອບດິນ ເຂດນັ້ນໃຫ້ ໂຄງການ ສ້າງສູນ ການຄ້າ ແລະ ວ່າຈະຈ່າຍ ຄ່າຊົດເຊີຍ ພ້ອມທັງ ໃຫ້ ບ້ານຈັດສັນ ແກ່ ປະຊາຊົນ.

ທ່ານກ່າວອີກວ່າ ເຖິງຢ່າງໃດ ກໍຕາມ ຊາວບ້ານ 137 ຄອບຄົວ ກໍຍັງເວົ້າ ເປັນ ສຽງດຽວກັນວ່າ ພວກເຂົາເຈົ້າ ຈະບໍ່ຍອມ ເສັຽ ທີ່ດິນ ໃຫ້ແກ່ ໂຄງການ ດັ່ງກ່າວ ຢ່າງ ເດັດຂາດ ເພາະ ບໍ່ເຊື່ອວ່າ ເມື່ອໂຍກຍ້າຍ ໄປຢູ່ບ່ອນໃໝ່ແລ້ວ ຊີວິດ ການເປັນຢູ່ ຂອງ ພວກເຂົາເຈົ້າ ຈະດີຂຶ້ນ ກວ່າເກົ່າ. ຜ່ານມາ ທາງການລາວ ກໍຍັງບໍ່ໄດ້ ຊີ້ແຈງ ເຣື່ອງ ການຊົດເຊີຍ ຄວາມເສັຽຫາຍ ໃຫ້ຊາວບ້ານ ໄດ້ຮັບຮູ້ ແຕ່ຢ່າງໃດ, ດັ່ງນັ້ນ ຊາວບ້ານຫຼາຍຄົນ ຈຶ່ງບໍ່ໝັ້ນໃຈ ໃນເຣື່ອງນີ້.

ຂໍ້ມູນເພີ່ມຕື່ມ ຂອງ ເຈົ້າໜ້າທີ່ ຣະບຸວ່າ ແຜນການສ້າງ ສູນການຄ້າ ດັ່ງກ່າວ ເປັນສ່ວນນຶ່ງ ຂອງ ໂຄງການ ເຂດເສຖກິດ ພິເສດ ໜອງຄ້າງ ເມືອງຊໍາເໜືອ ແຕ່ຍັງບໍ່ ສາມາດ ເປີດເຜີຍ ໄດ້ວ່າໃຜ ຈະເປັນຜູ້ສ້າງ ແລະ ຈະເລີ່ມສ້າງ ເມື່ອໃດ. ໂຄງການນີ້ ຢູ່ ໃກ້ສນາມບິນ ສາກົລ ໜອງຄ້າງ ທີ່ ກໍາລັງກໍ່ສ້າງ ແລະ ຈະສໍາເຣັດ ໃນຕົ້ນປີ 2018.

ຄໍາເຫັນ (2)
Share

(

ເຮັດໃຫ້ຄົນທາງໃດເດມາຊື້ນໍ ນັກວິໃຈເສດຖະກິດ ອ່ອນຫລາຍ ຫມົດແຂວງມາຊື້ກ່ບໍ່ພໍ ເປັນແຂວງຫ່າງໄກສອກຫລີກ ຄວນລົງທຶນໃສ່ການປູກຜັງແລະລຽ້ງສັດພຸ້ນ ບໍຄວນລົງທຶນໃສ່ການຄ້າ ໂອຍ ຜູ້ຄົ້ນຄວ້າເສດຖະກິດເອີຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 23, 2016 02:44 PM

ເຜົ່າລາວ

ຈາກ ແຜ່ນດີນລ້ານຊ້າງ

ນີ້ຄືຜົນພອຍທີ່ປະຊາຊົນ ຢ່າງພວກເຮົາໄດ້ຮັບ ຈາກການຮ່ວມມືກັບພວກຜີມານຕ໋່ຕ້ານ ປະຕິວັດປົດປ່ອຍຊາດ. ການຍາດແຍ່ງທີ່ດີນຂອງປະຊາຊົນ ໂດຍພວກກຳອຳນາດ ເພື່ອມອບໃຫ້ແກວກັບເຈັກ ແມ່ນແຜ່ລາມໄປທຸກແຫ່ງຫົນ ປະຊາຊົນເດືອດຮ້ອນ ທຸກທົ່ວຫນ້າ ຫາກທຸກຄົນບ໋່ພາກັນລຸກຂຶ້ຕ໋່ສູ້ ກ໋ບ໋່ມີທາງທີ່ຈະຫລຸດພົ້ນ ອອກຈາກຫ້ວງເຫວ ອຳນາດຜເດັດການນີ້ໄປໄດ້. ຕື່ນເຖີດພີ່ນ້ອງລາວ ພວກເຮົາປ່ອຍປະລະເລີຍປະເທດຊາດ ມານານເກິນພ໋ແລ້ວ ມັນເຖີງເວລາແລ້ວທີ່ຈະຕ້ອງ ພິກປີ້ນຣະບອບ ປຽ່ນແປງການປົກຄອງ ແລ້ວບູຣະນະ ປົວແປງປະເທດຊາດລາວຄືນໃຫມ່ ກ່ອນທີ່ທຸກສິ່ງຢ່າງຈະສາຍເກີນໄປ.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 22, 2016 04:51 PM

ເຕັມຫນ້າ