ລາວຈະທຸກຊໍ້າ ຈີນມີແຕ່ໄດ້

ອະວາຣີ
2014-04-09
ອີແມວລ໌
ຄໍາເຫັນ
Share
ພິມ
ຣົດໄຟ ຄວາມໄວສູງ ທີ່ໃຊ້ໃນ ສປຈີນ
ຣົດໄຟ ຄວາມໄວສູງ ທີ່ໃຊ້ໃນ ສປຈີນ
CHT

 

ນັກຊ່ຽວຊານ ດ້ານ ເຖສກິດ ໃຫ້ ເຫດຜົນວ່າ ລາວ ຍັງເປັນ ປະເທດ ທີ່ທຸກຍາກ ຢູ່ ມີຜົນຜລິດ ລວມ ພາຍໃນ ປະເທດ ຫລື ຈີດີພີ ບໍ່ເຖິງ 10 ຕື້ ດອນລ່າ ສະຫະຣັຖ ແຕ່ຈະຢືມ ເງິນ ເຖິງ 7 ຕື້ ດອນລ່າ ເພື່ອສ້າງ ທາງ ຣົດໄຟ ຊຶ່ງເທົ່າໆ ກັບ 70 ສ່ວນຮ້ອຍ ຂອງ ຈີດີພີ.

ຕາມກົດ ຣະບຽບ ຂອງ ການຢືມເງິນ ຣະຫວ່າງ ຊາດ ແລ້ວ ຈະບໍ່ມີ ປະເທດໃດ ໃນໂລກ ທີ່ຈະກ້າ ຢືມເງິນ ຫລາຍ ເຖິງປານນັ້ນ ແລະ ກໍຈະບໍ່ມີ ປະເທດໃດ ໃນໂລກ ເຊັ່ນກັນ ທີ່ ຈະກ້າໃຫ້ ປະເທດ ອື່ນ ທີ່ ມີຣາຍໄດ້ ຣາຍຮັບ ໜ້ອຍຄື ລາວ ຢືມເງິນ ຢ່າງ ມະຫາສານ ແບບນັ້ນ.

ອົງການ ກອງທຶນເງິນ ສາກົນ ຫລື IMF ເຕືອນ ຣັຖບານ ລາວ ວ່າ ການຢືມເງິນ ເຖິງ 7 ຕື້ ດອນລ່າ ຈະເຮັດໃຫ້ ປະເທດ ລາວ ຕິດໜີ້ ຕ່າງ ປະເທດ ເພິ້ມຂື້ນ ເປັນ 125 ສ່ວນຮ້ອຍ ຂອງ ຈີດີພີ ເພິ້ມຂື້ນ ຈາກ ໜີ້ ປັດຈຸບັນ 35 ສ່ວນຮ້ອຍ ເຖິງ 5 ເທົ່າ. ນັ້ນຖືວ່າ ເປັນການ ຢືມເງິນ ເກີນ ຄວາມ ສາມາດ, ປະເທດລາວ ຈະຕົກຢູ່ ໃນ ສະພາບ ເສຖກິດ ບໍ່ທຸນທ່ຽງ. ນັກລົງທຶນ ຕ່າງ ປະເທດ ຈະບໍ່ກ້າ ໄປລົງທຶນ ຢູ່ລາວ ເພາະຂາດ ຄວາມ ເຊື່ອໝັ້ນ ໃນ ເສຖກິດ ຂອງລາວ.

ຮ້າຍໄປກວ່ານັ້ນ ນັກ ເສຖສາດ ຕ່າງ ປະເທດ ຍັງເຕືອນ ຣັຖບານ ລາວ ອີກວ່າ ການຢືມເງິນ ຫລາຍ ເຖິງປານນັ້ນ ບໍ່ພຽງແຕ່ ຈະເຮັດໃຫ້ ເສຖກິດ ຂອງລາວ ບໍ່ທຸນທ່ຽງ ເທົ່ານັ້ນ ແຕ່ ຍັງຈະ ເຮັດໃຫ້ ປະເທດ ລາວ ສູນເສັຍ ເອກກະຣາຊ ແລະ ອະທິປະໄຕ ສ່ວນໃດ ສ່ວນນຶ່ງ ໄປນຳ.

ຈົນເຖິງ ປັດຈຸບັນ ຣັຖບານ ລາວ ກໍຍັງ ບໍ່ທັນ ເປີດເຜີຍ ຣາຍລະອຽດ ວ່າ ປະເທດ ແລະ ປະຊາຊົນ ລາວ ຈະໄດ້ຮັບ ຜົນປະໂຍດ ແນວໃດ ຈາກ ທາງຣົດໄຟ ຄວາມໄວ ສູງ ແລະ ຈະໃຊ້ໜີ້ ຄືນແນວໃດ. ນັກ ເສຖສາດ ຄິດວ່າ ຖ້າ ຣັຖບານ ລາວ ຫວັງວ່າ ຈະໃຊ້ໜີ້ ຄືນ ໂດຍອາໄສ ຊັພຍາກອນ ທັມມະຊາດ ເຊັ່ນ ແຮ່ທາດ ຄຳ ແລະ ທອງ. ແຕ່ຖ້າ ຣາຄາ ແຮ່ທາດ ເຫລົ່ານີ້ ຕົກຕ່ຳ ລົງ ຣັຖບານ ລາວ ຈະຫາເງິນ ຈາກໃສ ເພື່ອ ໃຊ້ໜີ້ ຄືນ.

ສລຸບແລ້ວ ນັກເສຖສາດ ເວົ້າວ່າ ການສ້າງ ທາງຣົດໄຟ ຄວາມໄວ ສູງ ຣະຫວ່າງ ລາວ-ຈີນ ນັ້ນ ແທນທີ່ ຈະເຮັດໃຫ້ ປະເທດລາວ ຈະເຣີນ ກ້າວໜ້າ ອາດຈະແຮ່ງ ເຮັດໃຫ້ ລາວ ທຸກຍາກລົງ ຊ້ຳຕື່ມ. ສ່ວນຈີນ ແຮ່ງ ຈະດີໃຈ ເພາະ ຈະໄດ້ສົ່ງ ສິນຄ້າ ໄປຕາມ ທາງຣົດໄຟ ລົງໄປ ເຖິງໄທ ມາເລເຊັຍ ແລະ ສິງກະໂປ.

ຄໍາເຫັນ (11)
Share

ໄທສີນ

ຈາກ ສຫຣ

ລາວເຮົາຄວນໄດ້ປຽບ ໃນການທີ່ຈະສ້າງທາງຣົດໄຟ ຣະຫວ່າງ ຈີນ ທີ່ຈະສ້າງທາງຣົດໄຟ ຜ່ານ ປະເທດລາວ. ເພາະ ລາວເປັນ ສຸນກາງ ທີ່ຈະເປີດຫົນທາງ ໃຫ້ຫລາຍປະເທດ ໃນທະວິບ ເອເຊັຍພາກໄຕ້ ໄດ້ຕິດຕໍ່ກັນ... ສະນັ້ນ "ຢ່າຕົກໂງ່ຂົາ" ໃຫ້ເຂົາໃຊ້ແຜ່ນດີນລາວ ເປັນທາງຜ່ານ ຢ່າງບໍ່ມີເງື່ນໃຂ...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 01, 2016 12:49 PM

ໄທສີນ

ຈາກ ສຫຣ

ປະເທດລາວ ກຳລັງຕົກເປັນເຫຍື່ອຂອງຈີນ ໃນແຜນການ ສ້າງທາງຣົດໄຟ. ຜຸ້ນຳປັດຈຸບັນຂອງລາວ ຕົກລົງໃຫ້ຈີນສ້າງທາງຣົດໄຟ, ເພາະຈີນຕ້ອງການ ຈະຂະຫຍາຍ ມະຫາອຳນາດ ແລະ ອິດທີພົນ ໄປທົ່ວທະວີບ ເອເຊັຍພາກໃຕ້ ໂດຍໃຊ້ແຜ່ນດີນລາວ ເປັນທາງຜ່ານ. ແທນທີ່ເຂົາຈະສ້າງໃຫ້ລາວຝຼີ ຫຼື ຈະເຊົ່າດີນລາວ ເພື່ອສ້າງທາງຜ່ານຂອງເຂົາ, ໜຳບໍ່ສ້ຳ ເຂົາຍັງເໜັ້ນ ໃຫ້ລາວຢືມເງີນນຳເຂົາ ຢ່າງມະຫາສານ ເກີນກ່ວາທີ່ລາວ ບໍ່ສາມາດຈະສົດໃຊ້ໜີ້ສີນເຂົາໄດ້. ຜົນສຸດທ້າຍ ປະເທດລາວ ແລະ ປະຊາຊົນລາວ ຈຳຕ້ອງເປັນທາດເຂົາ ຕະລອດໄປ ຢ່າງບໍ່ມີວັນສີ້ນສຸດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 01, 2016 12:49 PM

ໄທສີນ

ຈາກ ສຫລ

ຈີນເປັນປະເທດມະຫາເສດຖີ ແລະຕ້ອງການຈະຂະຫຍາຽ ອິດຕີພົນທົວທະວິບເອເຊັຍ, ທີ່ຈີງແລ້ວຣັຖບານລາວ ບໍ່ຄວນລົງທືນໃນການສ້າງທາງຣົຖໄຟ ແມ້ແຕ່ກີບດຽວ. ແຕ່ຈີນເນັ້ນໃຫ້ລາວຢືມເງີນ ຫລາຍເທົາທີ່ຈະຫລາຍໄດ້ ຈົນກ່ວາຣັຖບານລາວບໍ່ສາມາດ ສຳຣະໜີ້ເຂົາໄດ້, ຜົນສຸດທ້າຍ ລາວຈະສຸນເສັຍທຸກສີ່ງທຸກຢ່າງ ເພາະໜີ້ສີນລົ້ນແຜ່ນດີນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 01, 2016 12:44 PM

S

ຈາກ S

ປະຊາຊົນ ລາວ ບໍ່ໄດ້ຕ້ອງການ ປານນັ້ນເດີ ຊິບອກໃຫ້ ລອງເຮັດ ແບບສອບຖາມ ໃຫ້ປະຊາຊົນ ຕອບແລ້ວ ເອົາອອກລາຍການຂ່າວ ຜ່ານສື່ຕ່າງໆໂລດ ຊິມີປະຊາຊົນ ລາວເຂດໃດ ບ້ານໃດ ແນ່ທີ່ຕ້ອງການ! ລະຫວ່າງ ຄວາມສຳຄັນ ແລະ ຄວາມຕ້ອງການ ມັນແຕກຕ່າງ ກັນເດີທ່ານ!!!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 07, 2014 04:43 PM

Lao Mai

ຈາກ Vientiane

ລັດ​ຖະ​ບານ ​ຍຸກນີ້ ຄວາມ​ຮູ້​ເພີ່ນ ​ມີ​ຫ​ນ້ອຍ ແຕ່​ຄວາມ​ຝັນ​ເພີ່ນ ​ມີ​ຫລາຍ​...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 17, 2014 03:12 PM

ເບິ່ງຄວາມເຫັນທັງໝົດ.

ເຕັມຫນ້າ