ລາວ-ຈີນຈິງຈັງເວົ້າເຣື້ອງ ຣົດໄຟ

ຈໍາປາທອງ
2014-04-10
ອີແມວລ໌
ຄໍາເຫັນ
Share
ພິມ
ຣົຖໄຟຄວາມໄວສູງ ກໍເປັນໂຄງການນື່ງ ຕ້ອງລົງທຶນ ຢ່າງມະຫາສານ ຂອງສປຈີນ ທີ່ຈະພັທນາ ຮ່ວມກັບ ສປປລາວ
ຣົຖໄຟຄວາມໄວສູງ ກໍເປັນໂຄງການນື່ງ ຕ້ອງລົງທຶນ ຢ່າງມະຫາສານ ຂອງສປຈີນ ທີ່ຈະພັທນາ ຮ່ວມກັບ ສປປລາວ
Manager

 

ໃນວັນ ອັງຄານ ລາວ ຈີນ ໃຫ້ ຄໍາໝັ້ນ ໃນ ຣະຫວ່າງ ການ ເຈຣະຈາ ເລັ່ງການ ກໍ່ສ້າງ ທາງ ຣົດໄຟ ຄວາມໄວ ສູງ ແລະ ຫວັງວ່າ ຈະ ເປັນໄປໄດ້ ທີ່ ຈະມີການ ລົງນາມ ໃນຂໍ້ ຕົກລົງ ຮ່ວມກັນ ໃນໄວໆນີ້.

ການ ເຈຣະຈາ ຕໍ່ລອງ ກ່ຽວກັບ ຂໍ້ຕົກລົງ ເຣື່ອງ ທາງ ຣົດໄຟ ຣະຫວ່າງ ຣັຖບາລ ລາວ ແລະ ຈີນ ໄດ້ລິເລີ້ມ ສົ່ງເສີມ ການເຊື່ອມຕໍ່ ຣະຫວ່າງ 2 ປະເທສ ເພື່ອນບ້ານ ຊຶ່ງ ນາຍົກ ຣັຖມົນຕຣີ ຂອງ 2 ປະເທສ, ທ່ານ ທອງສິງ ທໍາມະວົງ ແລະ ທ່ານ ລີ ກີກຽງ ໄດ້ ປະກາດ ພາຍຫລັງ ການ ປະຊຸມ ທີ່ເມືຶອງ Sanya ແຂວງ Hainan ໃນ ຣະຫວ່າງ ການຢ້ຽມຢາມ ປະເທສ ຈີນ.

ທ່ານ ລີ ກ່າວວ່າ ທາງ ຣົດໄຟ ຈີນ-ລາວ ເປັນຈຸດເລັ່ງ ຂອງ ການຮ່ວມມື ທີ່ ສໍາຄັນ ຢ່າງຕໍ່ເນື່ອງ ຣະຫວ່າງ 2 ປະເທສ ແລະຈີນ ຫວັງວ່າ ຂໍ້ຕົກລົງ ທີ່ ສາມາດ ບັນລຸໄດ້ ໄວເທົ່າໃດ ຍິ່ງດີນັ້ນ ຈະເປັນ ພື້ນຖານ ໃຫ້ແກ່ ການຮ່ວມມື ກັນຕໍ່ໄປ.

ທ່ານວ່າ: “ລາວຍິນດີ ທີ່ ຈະເຫັນຜົລ ເປັນ ຮູບປະທັມ ກ່ຽວກັບ ໂຄງການ ທາງ ຣົດໄຟ ໄວເທົ່າໃດ ຍິ່ງດີ ເຊັ່ນດຽວກັນ ກັບ ການຮ່ວມມື ອັນເລິກເຊິ່ງ ໃນຂແນງ ການ ອື່ນໆ‘’ ຊຶ່ງ ຈີນ ໄດ້ກາຍເປັນ ຜູ້ລົງທຶນ ຣາຍໃຫຍ່ ທີ່ສຸດ ຢູ່ລາວ ໃນມູນຄ່າ ກວ່າ 5 ຕື້ ໂດລາ ສະຫະຣັດ ແລະ ການຄ້າ ຣະຫວ່າງ ລາວ-ຈີນ ເມື່ອປີ 2013 ກໍມີ ມູູນຄ່າ ເຖິງ 2 ຕື້ 30 ລ້ານ ໂດລາ ຄືເພີ່ມຂຶ້ນ ຈາກປີກ່ອນ ນັ້ນເກືອບ ເຖິງ 30 ສ່ວນຮ້ອຍ.

ຣາຍງາຍ ວ່າ 2 ຝ່າຍ ລາວ-ຈີນ ກໍາລັງ ເຮັດວຽກ ກ່ຽວກັບ ຣາຍຣະອຽດ ຂອງ ການກູ້ ຢືມເງິນ ເພື່ອ ສ້າງທາງ ຣົດໄຟ ຊຶ່ງ ມີມູນຄ່າ ເຖິງ 7 ຕື້ ໂດລາ ສະຫະຣັຖ. ທາງ ຣົດໄຟ ສາຍນີ້ ຈະເປັນ ສ່ວນນຶ່ງ ຂອງ ແຜນ ທາງຣົດໄຟ ຂ້າມ ຊາຍແດນ ທີ່ ໄດ້ລິເລີ່ມ ໃນປີ 1960 ແລະ ເລີ່ມເປັນ ຮູບຮ່າງ ພາຍຫລັງ 18 ປະເທສ ໄດ້ ລົງນາມ ໃນ ຂໍ້ຕົກລົງ ກ່ຽວກັບ ເຄືອຂ່າຽ ທາງ ຣົດໄຟ ໃນປີ 2006.

ຄໍາເຫັນ (2)
Share

ຄົນລາວ ນຳ້ໃຈຜີ . ຄົນດີ ນໍ້າໃຈເສືອ. ຄົນທີ່ຫນ້າເບື່ອ ຄື: ຄົນທີ່ດູໝີ່ນ ປະເທດພໍ່.ແມ່ ເຈົ້າຂອງເກິດ

ຈາກ ປະເທດລາວ

ຖ້າວ່າຄົນລາວ ທຸກຄົນ ພ້ອມໃຈກັນ ມາສ້າງສາ ປະເທດ ຂອງຕົນ ກໍ່ຄົງຈະດີ ອາດຈະດີກວ່າ ຖ້າເຮົານັ່ງເບີ່ງ ຜູ້ນຳ ຂອງເຮົາ ພັດທະນາ ພຽງຟ່າຍດຽວ ເຮົາເປັນ ຜູ້ຊາບແຊ້ງເຂົາ ເຂົາໂກງ ຕອນທີ່ເຂົາ ມີໂອກາດ ເຮົາບໍ່ໂກງ ເພາະເຮົາ ບໍ່ມີໂອກາດ ຄືເຂົາ ຖ້າເຮົາ ມີໂອກາດ ອາດຈະໜັກ ກວ່າເຂົາ ແຕ່ຄວນຄິດ ໃນສິ່ງທີຈິບຫາຍ ມັນບໍ່ກຸ້ມຄ່າ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 21, 2014 04:16 PM

ເຜົ່າລາວ

ຈາກ ແຜ່ນດີນລ້ານຊ້າງ

ທອງສີງ, ການທີ່ທ່ານ ເຮັດທຸກວິທີທາງ ເພື່ອໃຫ້ໄດ້ມາ ຊື່ງທາງ ຣົດໄຟ ຄວາມໄວສູງ ນັ້ນ ບໍ່ໄດ້ເຮັດໃຫ້ ປະຊາຊົນ ຄົນລາວ ທັງຊາດ ສັລເສີນ ເຍີນຍໍ ວ່າທ່ານເປັນຜູ້ນຳ ທີ່ ດີສລາດ ຫລັກແຫລມ
ແຕ່ຢ່າງໃດ ດອກ. ນອກຈາກ ຈະຖືກສາບແຊ່ງ ໃຫ້ ຮີບຕາຍໄວໆ ແລ້ວຕົກນະຣົກ ຫມົກໄຫມ້ສາ ເພາະຫນີ້ສີນ ອັນມະຫາສານ ທີ່ ທ່ານສ້າງໄວ້ນັ້ນ ພໍ່ແມ່ພີ່ນ້ອງ ປະຊາຊົນລາວ ຕ້ອງໄດ້ແບກ ຮັບພາຣະ ໃຊ້ຄືນ ໃຫ້ແກ່ຈີນ ໂດຍບໍ່ຮູ້ຈັກ ຈົບສີ້ນ.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 14, 2014 03:09 PM

ເຕັມຫນ້າ