ວັນທີ 15 ເດືອນ ພຶສະຈິກາ ປີ 2006

ສະບາຍດີ ທ່ານຜູ້ຟັງທີ່ເຄົາຣົບ ມື້ນີ້ຣາຍການຕອບຈມ.ກໍໄດ້ວຽນມາພົບ ກັບທ່ານຜູ້ຟັງ ອີກຕາມເຄີຍ ຫວັງໃຈ ເປັນຢ່າງຍິ່ງວ່າ ທ່ານ ທີ່ເປັນແຟນຣາຍການ ຄົງຈະໃຫ້ກຽດຕິດຕາມ ຮັບຟັງຢູ່ ໂດຍສະເພາະ ທ່ານທີ່ຂຽນຈມ. ມາເຖິງຣາຍການ ກໍຄົງຈະຕັ້ງຈິດຕັ້ງໃຈ ລໍຖ້າຈມ.ທ່ານຢູ່ຕິເນາະ ຢ່າງໃດກໍຕາມ ເພື່ອບໍ່ໃຫ້ເສັຍເວລາ ຂໍເຊີນ ທ່ານ ເຂົ້າສູ່ຣາຍການເລີຍເນາະ. ຈມ.E-mail ສບັບທຳອິດທີ່ Maysoly ຈະນຳມາອ່ານ ສູ່ທ່ານຟັງ ໃນມື້ນີ້ ກໍຄືຈມ.ຕຳນິຕິຊົມ ຈາກປະເທດລາວ ເນື້ອໃນ ຂອງຈມ.ຂຽນມາດັ່ງນີ້:

“ສບາຍດີ ຂ້ອຍແມ່ນຄົນລາວຜູ້ນຶ່ງ ມີອາຊີບກວາດຫົນທາງ ຢູ່ຣະຫວ່າງເສັ້ນທາງ ທີ່ພວກເຈົ້າ ກ່າວວ່າ ມີເຫຕການປະທ້ວງ ຂອງນັກສຶກສາລາວ ແຕ່ວ່າຂ້ອຍຄືບໍ່ເຫັນເຫຕການ ດັ່ງກ່າວ ກະຣຸນາ ກວດເບີ່ງຂ່າວ ຂອງພວກເຈົ້າອີກໄດ້ບໍ່? ຂ້ອຍຄິດວ່າ ມີຄວາມສຸກ ຄວາມສະບາຍແລ້ວ ລາວແມ່ນ ນຶ່ງໃນໂລກ ທີ່ໜ້າຢູ່ ແລະອົບອຸ່ນດີ ຄົນລາວຢູ່ຕ່າງປະເທດ ຄວນຈະໃຫ້ ຄວາມຊ່ວຍເຫຼືອ ເຣື້ອງການພັທນ ຄົງຈະດີກວ່າ ປັ່ນປ່ວນ ຄວາມສຸກ ຂອງພວກເຮົາ. ອາຊີບຂ້ອຍ ເຖິງແມ່ນມັນຈະຕ່ຳຕ້ອຍ ແຕ່ຂ້ອຍກໍ່ມີຄວາມສຸກ ແລະ ອົບອຸ່ນດີ”.

ຂໍຂອບໃຈ ທີ່ທ່ານຄົນລາວໃນ ທີ່ສລະເວລາ ອັນມີຄ່າຂອງທ່ານ ຂຽນຈມ.ເຖິງພວກເຮົາ ຕໍ່ຄຳ ຢືນຢັນ ຂອງທ່ານທີ່ວ່າ ບໍ່ມີເຫຕການປະທ້ວງ ເກີດຂຶ້ນນັ້ນ ທ່ານກໍມີເຫຕຜົນ ຂອງທ່ານເອງ ໂດຍສະເພາະ ທາງການລາວ ກໍໄດ້ປະຕິເສດ ໂດຍຕລອດມາວ່າ ບໍ່ເຄີຍມີການປະທ້ວງຂອງ ນັກສຶກສາໃນລາວ ແລະ ບໍ່ ເຄີຍມີການຈັບກຸມ ຄຸມຂັງນັກຮຽນນັກສຶກສາຜູ້ໃດ ແຕ່ສຳລັບຜູ້ ນຳຄນະປະທ້ວງເອງແລ້ວ ເວົ້າວ່າ ມີເຫຕການ ກະຕຽມຣຸກຮື ຂອງຄນະຂບວນ ການນັກສຶກສາ ລາວ ເມື່ອວັນທີ່ 26 ຕຸລາ ປີ 1999 ແທ້ ດັ່ງຍານາງ ນວນຄຳ ຄຳພິລາວົງ 1 ໃນຈຳນວນ ຂອງຄນະປະທ້ວງ ໄດ້ກ່າວທົບທວນ ເຖິງເຫຕການ 26 ຕຸລາ ຕໍ່ນັກຂ່າວ ເອເຊັຽເສຣີເມື່ອວັນທີ 26 ຕຸລາ ທີ່ຜ່ານມານີ້ ຊຶ່ງມີໃຈຄວາມໃນຕອນນຶ່ງວ່າ :

(ສຽງ)…”ມື້ນັ້ນວັນທີ່ 26 ຕຸລາ 1999 ພວກຂ້າພະເຈົ້າໄດ້ເຕົ້າໂຮມກັນກັບພວກລູກສິດນັກສຶກສາແລະປະຊາຊົນຕຽມລົງເດີ່ນປະທ້ວງເວລາ 11 ໂມງ ຂອງມື້ດຽວກັນນັ້ນ ສົມທົບ ກັບບຸນຊ່ວງເຮືອແລະກໍຄົນຫຼາຍຄົນປະປົນກັນ ແລະ ພວກເຮົາ ກຳລັງເລີ້ມຕົ້ນ ເຂົາເຈົ້າກໍ່ມາຮຸບ ເອົາໂລດມາຮຸບເອົາພວກຄນະເຮົາໄປໄດ້ 5 ຄົນ”.

ນັ້ນກໍຄື ສຽງຂອງຍານາງນວນຄຳ ຄຳພິລາວົງ 1 ໃນບັນດາຜູ້ນຳພາ ຄນະປະທ້ວງ ແລະ ເປັນ 1 ໃນຈຳນວນ 5 ຄົນ ທີ່ໂຊກດີເອົາຕົວຫລົບໜີມາລີ້ພັຍຢູ່ປະເທດທີ່ 3 ໄດ້.

E-mail ສບັບຕໍ່ໄປກໍ່ຄືຂອງທ່ານທົ່ງ ໃນຈມ.ບອກມາວ່າເປັນຊາວມົ້ງ ຢູ່ໃນປະເທດລາວ ແລະ ມີຄຳຖາມ ຢາກຈະຖາມວິທຍຸເອເຊັຍເສຣີວ່າ:

“ປັດຈຸບັນນີ້ຊາວມົ້ງຢູ່ບ້ານຫ້ວຍນ້ຳຂາວໄປຮອດໃສແລ້ວ ພວກເຂົາເຈົ້າຈະມີໂອກາດໄປປະເທດທີ່ 3 ບໍ່? ຫຼືຈະຖຶກສົ່ງກັບລາວ ແລະຂໍ້ສຸດທ້າຍຢາກຖາມວ່າ ອີກດົນປານໃດ ບັນຫາ ຊາວມົ້ງກຸ່ມນີ້ ຈຶ່ງຈະຖຶກແກ້ໄຂ?.”

ຂໍຂອບໃຈ ທີ່ທ່ານໄດ້ຂຽນຈມ.ເຖິງ RFA ຕໍ່ບັນຫາຊາວມົ້ງ ທີ່ບ້ານຫ້ວຍນ້ຳຂາວ ແຂວງເພັຊບູນ ຂອງໄທນັ້ນ ໄດ້ຂ່າວວ່າ ປັດຈຸບັນ ທາງການລາວ ແລະ ໄທ ກໍ່ໄດ້ຕົກລົງກັນແລ້ວວ່າ ທາງການລາວ ຂໍຮ້ອງໃຫ້ຝ່າຍໄທ ສຳຣວດ ເບີ່ງຊາວເຜົ່າມົ້ງທັງໝົດ ໃນບ້ານຫ້ວຍນ້ຳຂາວນັ້ນ ຊຶ່ງຣາຍງານຄັ້ງລ້າສຸດ ບອກວ່າ ມີເຖີງ 8,300 ຄົນແລ້ວ ໂດຍສະເພາະ ຝ່າຍໄທສຳຣວດໃຫ້ຮູ້ແຈ້ງວ່າ ແຕ່ລະຄົນມີຊື່ນາມສກຸນ ແນວໃດ ເຄີຍມີອາຊີບ ແນວໃດ ແລະ ຜູ້ໃດເປັນລາວແທ້. ຫຼັງຈາກນັ້ນ ໃນຝ່າຍໄທຢື່ນຣາຍຊ ື່ນີ້ໄປໃຫ້ຝ່າຍສານ ແລະ ຝ່າຍລາວ ກໍຈະພິຈາຣະນາ ຮັບຮອງເອົາຊາວ Hmong ທີ່ເປັນຄົນລາວແທ້ ກັບຄືນປະເທດ ແຕ່ຝ່າຍໄທ ກັບເຫັນວ່າ ການສຳຣວດຢ່າງ ລະອຽດລະອໍເຊັ່ນນີ້ ເປັນການຍາກລຳບາກຫຼາຍ ຢ່າງໃດກໍຕາມ ເມື່ອ ວັນພຸດທີ 15 ພຶສພານີ້ ມີຂ່າວວ່າທາງການໄທກໍໄດ້ສົ່ງຊາວເຜົ່າ Hmong ຈຸນຶ່ງຈຳນວນ 52 ຄົນ ທີ່ຖຶກກັກຂັງຢູ່ ູ່ແຂວງ ໜອງຄາຍ ປະມານ 1 ເດືອນຜ່ານມາ ກັບຄືນປະເທດລາວ ແລະ ເຈົ້າໜ້າທ ີ່ທາງການລາວ ກໍໄດ້ໄປຕ້ອນຮັບ ເອົາພວກເຂົາເຈົ້າ ຢູ່ຫົວຂົວມິຕພາບທ່ານາແລ້ງ ເປັນຢ່າງດີ ພ້ອມໃຫ້ຄຳໝັ້ນສັນຍາວ່າ ຈະໃຫ ້ການຊ່ວຍເຫຼືອ ແກ່ຊາວມົ້ງ ທີ່ກັບຄືນນັ້ນເປັນຢ່າງດີ ເຊັ່ນວ່າ ຈະຈັດທີ່ຢູ່ອາໃສ ແລະ ບ່ອນທຳມາຫາກິນໃຫ້ ສິ່ງເຫຼົ່ານີ້ ສແດງໃຫ້ເຫັນວ່າ ປັດຈຸບັນ ເຈົ້າໜ້າທີ່ລາວ ແລະ ໄທ ກຳລັງເລີ້ມຮ່ວມມືກັນ ແກ້ໄຂ ບັນຫາຊາວ Hmong ແດ່ແລ້ວ ຄິດວ່າໃນຂັ້ນຕໍ່ໄປ ເຈົ້າໜ້າທີ່ທັ້ງສອງປະເທດ ກໍອາດ ຈະເຂົ້າຮ່ວມປຶກສາຫາລືກັນຕໍ່ ເພື່ອແກ້ໄຂ ບັນຫາ ຊາວມົ້ງທັງໝົດຢູ່ບ້ານຫ້ວຍ ນ້ຳຂາວນັ້ນ. ຕໍ່ຄຳຖາມທີ່ວ່າ ພວກເຂົາເຈົ້າຈະມີໂອກາດໄປປະເທດທີ່ 3 ຫຼືບໍ່ນັ້ນ ກໍເປັນເຣື້ອງທີ່ຕອບຍາກ ຮູ້ພຽງແຕ່ວ່າ ເມື່ອເດືອນກັນຍາທີ່ຜ່ານມາ ເຈົ້າໜ້າທີ່ດ້ານອົພຍົບ ຂອງ ສະຫະຣັຖ ກໍໄດ້ເດີນທາງໄປຢ້ຽມຢາມໄທ ແລະ ກ່າວວ່າສະຫະຣັຖ ຍັງບໍ່ມີແຜນ ຈະຮັບເອົາຊາວມົ້ງ ທີ່ບ້ານຫ້ວຍນ້ຳຂາວ ແຕ່ລຸນຫຼັງພັດມີຂ່າວວ່າ ສະຫະຣັຖ ອາດຈະຮັບເອົາຊາວມົ້ງ ທີ່ເຄີຍຕໍ່ສູ້ຮ່ວມກັບ ສະຫະຣັຖໃນສໄມສົງຄາມນັ້ນ ສ່ວນປະເທດອື່ນນັ້ນໆ ຍັງບໍ່ວີ່ແວວ ວ່າຈະຮັບເອົາຊາວມົ້ງ ທີ່ບ້ານ ຫ້ວຍນ້ຳຂາວ ແຕ່ຢ່າງໃດ ຄຳຖາມຂໍ້ສຸດທ້າຍທີ່ຖາມວ່າ ອີກດົນປານໃດບັນຫາຊາວມົ້ງກຸ່ມນີ້ຈຶງຈະຖຶກແກ້ໄຂ ຕໍ່ຄຳຖາມ ທີ່ວ່ານ ີ້ຄົງຈະໃຊ້ເວລາດົນ ຢ່າງບັນຫາພີ່ນ້ອງມົ້ງ ທີ່ວັດຖ້ຳກະບອກ ກໍໃຊ້ເວລາຫຼາຍປີຈຶ່ງແກ້ໄຂໄດ້ ແຕ່ບັນຫາມົ້ງ ທີ່ບ້ານ ຫ້ວຍນ້ຳຂາວນັ້ນ ອາດຈະໃຊ້ເວລາໄວກວ່າ ເພາະວ່າທາງການລາວກໍໃຫ້ການຮ່ວມມືກັບທາງການໄທ ແລະ ພ້ອມທີ່ຈະຮັບເອົາ ຊາວມົ້ງລາວ ກັບຄືນປະເທດ ທີ່ກ່າວມານີ້ບໍ່ຮູ້ວ່າ ພໍຈະຊ່ວຍຄາຍ ຂໍ້ຂ້ອງໃຈ ຂອງທ່ານໄດ້ ນ້ອຍຫຼາຍປານໃດເນາະ.

E-mail ສບັບຕໍ່ໄປຂຽນຈາກແຟນປະຈຳຣາຍການຜູ້ທີ່ໃຊ້ນາມສົມມຸດວ່າ (ຮັກສັນຕິພາບ) ເພີ່ນໄດ້ຂຽນມາວ່າ:

“ຂໍຖາມຄວາມຜາສຸກສະບາຍດີເຖີງທຸກໆ ຄົນ ໃນທີມງານຂອງ RFA ຄິດວ່າຄົງຈະມີ ຄວາມສຸກສບາຍດ ີກັນຢູ່ຕິເນາະ ສ່ວນຂ້າພະເຈົ້າຄົນລາວຢູ່ເມືອງ Baltimore ກໍສະບາຍດີກັນທຸກໆ ຄົນ ຂໍຂອບໃຈນຳ Maysoly ທີ່ໄດ້ອ່ານຈມ. ຂອງຂ້າພະເຈົ້າສບັບກ່ອນໆ ແລະ ໄດ້ຈັດເພັງຖຶກຕ້ອງຕາມຄຳຂໍຄືເພັງ “ເຫລືອພຽງພາບ” ເພັງນີ້ແມ່ນຖຶກກັບ ຊີວິດຈິດໃຈ ຂອງຂ້າພະເຈົ້າແທ້ໆ ຖ້າບໍ່ເປັນການ ຮົບກວນ ເກີນໄປຂໍຈົ່ງເປີດໃຫ້ຟັງອີກແດ່.”

Maysoly ຂໍຂອບໃຈທີ່ທ່ານໄດ້ຂຽນຈມ.ເຖິງພວກເຮົາອີກ ແລະ ດີໃຈທີ່ຮູ້ວ່າ ເພັງທີ່ຈັດໄປ ແລ້ວນັ້ນ ແມ່ນຖຶກຕ້ອງ ກັບເພັງທີ່ທ່ານຂໍມາ ທ່ານຜູ້ຟັງທີ່ເຄົາຣົບ ຕາມທັມມະດາແລ້ວ Maysoly ຈະບໍ່ຄ່ອຍ ຈັດເພັງເກົ່າ ຕິດຕໍ່ກັນເລື້ອຍໆ ທັງນີ້ຢ້ານວ່າ ຈະສ້າງຄວາມລຳຄານໃຫ ້ແກ່ຜູ້ຟັງ ແຕ່ສຳລັບມື້ນ ີ້ຂໍຈັດເປັນພິເສດ ໃນກໍຣະນີທີ່ວ່າ ເຫັນໃຈຜູ້ຂໍມາ ສນັ້ນ ເພື່ອບໍ່ເປັນການເສັຍເວລາ ຂໍເຊີນທ່ານຟັງເພັງ ທ້າຍຣາຍການ ຂອງພວກເຮົາໄດ້ເລີຍ. ຊຶ່ງຈະມາໃນເພັງໃຫ້ຊື່ວ່າ “ເຫລືອພຽງພາບ” ຈາກສຽງຂັບຮ້ອງ ຂອງ ທ່ານ ສຸມຸນທາ ສິຣິມະໂນທັມ” ຂໍມອບໃຫ້ທ່ານຜູ້ຟັງທຸກໆ ທ່ານທີ່ກຳລັງ ໃຫ້ກຽດຕິດຕາມຮັບຟັງ ຣາຍການຕອບຈມ. ຢູ່ໃນຂນະນີ້ໂດຍສະເພາະຜູ້ໃຊ້ນາມວ່າ “ຮັກສັນຕິພາບ” ເຊີນທ່ານຮັບຟັງໄດ້ເລີຍ.

ທີ່ຈົບລົງໄປນັ້ນ ຄືເພັງ “ເຫລືອພຽງພາບ” ຊຶ່ງເປັນສຽງຂັບຮ້ອງຂອງ ທ່ານສຸມຸນທາ ສິຣິມະໂນທັມ ຫວັງວ່າ ຄົງຈະສ້າງຄວາມ ບັນເທີງໃຫ້ແກ່ທ່ານຜູ້ຟັງ ບໍ່ຫລາຍກໍນ້ອຍ ໂດຍສະເພາະຜູ້ ທີ່ມີຄວາມຫລັງ ຟັງແລ້ວ ຄົງຈະນິ່ງໄປຊົ່ວຄາວ ຢ່າງໃດກໍຕາມ ເວລາແຫ່ງຣາຍການຕອບຈມ. ສຳລັບມື້ນ ີ້ກໍໄດ້ໝົດລົງພຽງ ເທົ່ານີ້ Maysoly ຂໍເຊີນທ່ານພົບກັບຣາຍການນີ້ໄດ້ໃໝ່ໃນວັນພະຫັດໜ້າ. ສະບາຍດີ.

ຈັດສເນີທ່ານ ໂດຍ: ໄມສຸຣີ

• ຟັງສຽງ
• Download story audio