Долқун сүзгүч

Көплигән аңлиғучилар, өзлириниң радио аңлаш җәрянида радио долқунлириниң кашилиға учриши билән келип чиқиватқан аваричилиқлирини радиомизға мәлум қилди. Шу мунасивәт билән, биз төвәндики уссулни аңлиғучилиримизниң синап беқишиға сундуқ. Үнүминиң қандақ болғанлиқини билишни үмид қилимиз.

 1. Керәклик материял

*    Антеннаси бар бир қисқа долқунлуқ радио.

    *    Қошумчә бир антенна яки метал сим (радиониң тантеннасидин 2 сантиметир қисқа болсун).

    *      Радио вә антеннини қойғудәк чоңлуқтики бир парчә қуруқ яғач тахта  (cm x 60cm 30 әтрапида яки радиодин азрақла чоң болса болди.)

    *      Төт данә бурмилиқ илмәк.
dolqun-suzguch
dolqun-suzguch

    *    Икки тал резинкә.

    *     Икки парчә алюмин қәғәз яки ток өткүзгүч қәғәз материял.

    *      Кичик бир парчә яғач тахта парчиси (4x4x2cm).

    *     Антеннани алюмин яки метал қәғәзгә туташтурғидәк узунлуқтики икки тал сим (15 сантиметир).

    *      Бурмилиқ икки тал кичик мих. (Симни алюмин яки метал қәғәзгә туташтуруш үчүн).

2. Қураштуруш җәряни

*     Икки парчә алюмин қәғәз яки ток өткүзгүч қәғәз материялни яғач тахтиниң үстигә рәсимдикидәк яйимиз. Иккисиниң арилиқида аз дегәндә икки сантиметир арилиқ қелиши керәк.

    *    Төт данә бурмилиқ илмәкни радио қоюлидиған ток өткүзгүч қәғәзниң төт әтрапиға орунлаштуримиз. (Радиониң чиң туруши үчүн. Рәсимдикидәк).

    *      Кичик яғач тахтиға қошумчә антеннаниң диаметири чоңлуқида бир төшүк ечип, қошумчә антеннани тиқимиз. Андин, бир тал симниң бир учини антеннаниң яғачқа тегип туридиған йеригә йөгәп, йәнә бир учини бурмилиқ илмәкниң биригә улаймиз.

    *      Кичик яғач тахтини радио қоюлидиған чоң яғач тахтиниң үстигә чиң орунлаштуримиз. (Йилим, мих яки бурмилиқ мих билән). (Метал сим қошумчә антеннаниң орнида ишлитилсә болиду).

    *      Иккинчи бир тал симниң бир учини бурмилиқ мих билән иккинчи бир алюмин яки метал қәғәзгә туташтуримиз. Йәнә бир учини радиониң антеннасиға йөгәймиз.

    *      Тәйярланған икки тал резинкә билән радиони чоң яғач тахтиға бағлаймиз. Бу вақитта икки тал антенна параллел һалда тик туриду. Радиониң антеннаси толуқ чиқирилип, қошумчә антеннадин азрақ егиз һаләттә кәлтүрүлиду.

3. Ишлитиш усули

*      юқириқи җәрян тамамланғандин кейин, радиони очуқрақ йәргә, мәсилән деризиниң йениға әкелиң яки балкон, өйниң сиртиға елип чиқиң.

    *     Радиони аңлимақчи болған программа частотисиға тоғрилаң. Авазниң сүзүкрәк аңлиниши үчүн, радио қоюлған тахтиниң орнини тәңшәң. Радио қоюлған тахтиниң орнини тәңшигәндә алюмин қәғәз яки ток өткүзгүч қәғәз материялға, радиоға яки антеннаға тәгмәң. Радио долқуниға тәсир йәткүзмәслик үчүн, бәдиниңизни илаҗи бар радиодин йирақ тутуң. Бу уссуллар арқилиқ, кашила қиливатқан долқунни аҗизлитип, аңлимақчи болған долқунниң сүзүклүкини ашуруш мумкин.

    *      Йәнила көңүлдикидәк үнүмгә еришәлмисиңиз, радиониң антеннасиниң йөлүнишини өзгәртип беқиң. Тоғриланған частотида көңүлдикидәк аңланмиса, башқа частотиға тоғрилап, юқириқи җәрянни қайтилаң. Әркин асия радиоси охшаш болмиған частотида, охшаш болмиған орунлардин аңлитишини тарқитиду.

(Әгәр кашила сигнали радио сигнали билән охшаш йөлүнүштин тарқитилған болса, бу уссулниң ярдими болмайду).

Әгәр сизниң кашила долқунини тосушта техиму үнүмлүк усулиңиз болса webmaster@www.rfa.org Ға хәт йезиң.
   
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.