Dolqun süzgüch

Köpligen anglighuchilar, özlirining radi'o anglash jeryanida radi'o dolqunlirining kashiligha uchrishi bilen kélip chiqiwatqan awarichiliqlirini radi'omizgha melum qildi. Shu munasiwet bilen, biz töwendiki ussulni anglighuchilirimizning sinap béqishigha sunduq. Ünümining qandaq bolghanliqini bilishni ümid qilimiz.


Share

 1. Kéreklik matériyal

*    Anténnasi bar bir qisqa dolqunluq radi'o.

    *    Qoshumche bir anténna yaki métal sim (radi'oning tanténnasidin 2 santimétir qisqa bolsun).

    *      Radi'o we anténnini qoyghudek chongluqtiki bir parche quruq yaghach taxta  (cm x 60cm 30 etrapida yaki radi'odin azraqla chong bolsa boldi.)

    *      Töt dane burmiliq ilmek.
dolqun-suzguch
dolqun-suzguch

    *    Ikki tal rézinke.

    *     Ikki parche alyumin qeghez yaki tok ötküzgüch qeghez matériyal.

    *      Kichik bir parche yaghach taxta parchisi (4x4x2cm).

    *     Anténnani alyumin yaki métal qeghezge tutashturghidek uzunluqtiki ikki tal sim (15 santimétir).

    *      Burmiliq ikki tal kichik mix. (Simni alyumin yaki métal qeghezge tutashturush üchün).

2. Qurashturush jeryani

*     Ikki parche alyumin qeghez yaki tok ötküzgüch qeghez matériyalni yaghach taxtining üstige resimdikidek yayimiz. Ikkisining ariliqida az dégende ikki santimétir ariliq qélishi kérek.

    *    Töt dane burmiliq ilmekni radi'o qoyulidighan tok ötküzgüch qeghezning töt etrapigha orunlashturimiz. (Radi'oning ching turushi üchün. Resimdikidek).

    *      Kichik yaghach taxtigha qoshumche anténnaning di'amétiri chongluqida bir töshük échip, qoshumche anténnani tiqimiz. Andin, bir tal simning bir uchini anténnaning yaghachqa tégip turidighan yérige yögep, yene bir uchini burmiliq ilmekning birige ulaymiz.

    *      Kichik yaghach taxtini radi'o qoyulidighan chong yaghach taxtining üstige ching orunlashturimiz. (Yilim, mix yaki burmiliq mix bilen). (Métal sim qoshumche anténnaning ornida ishlitilse bolidu).

    *      Ikkinchi bir tal simning bir uchini burmiliq mix bilen ikkinchi bir alyumin yaki métal qeghezge tutashturimiz. Yene bir uchini radi'oning anténnasigha yögeymiz.

    *      Teyyarlan'ghan ikki tal rézinke bilen radi'oni chong yaghach taxtigha baghlaymiz. Bu waqitta ikki tal anténna parallél halda tik turidu. Radi'oning anténnasi toluq chiqirilip, qoshumche anténnadin azraq égiz halette keltürülidu.

3. Ishlitish usuli

*      Yuqiriqi jeryan tamamlan'ghandin kéyin, radi'oni ochuqraq yerge, mesilen dérizining yénigha ekéling yaki balkon, öyning sirtigha élip chiqing.

    *     Radi'oni anglimaqchi bolghan programma chastotisigha toghrilang. Awazning süzükrek anglinishi üchün, radi'o qoyulghan taxtining ornini tengsheng. Radi'o qoyulghan taxtining ornini tengshigende alyumin qeghez yaki tok ötküzgüch qeghez matériyalgha, radi'ogha yaki anténnagha tegmeng. Radi'o dolqunigha tesir yetküzmeslik üchün, bediningizni ilaji bar radi'odin yiraq tutung. Bu ussullar arqiliq, kashila qiliwatqan dolqunni ajizlitip, anglimaqchi bolghan dolqunning süzüklükini ashurush mumkin.

    *      Yenila köngüldikidek ünümge érishelmisingiz, radi'oning anténnasining yölünishini özgertip béqing. Toghrilan'ghan chastotida köngüldikidek anglanmisa, bashqa chastotigha toghrilap, yuqiriqi jeryanni qaytilang. Erkin asiya radi'osi oxshash bolmighan chastotida, oxshash bolmighan orunlardin anglitishini tarqitidu.

(Eger kashila signali radi'o signali bilen oxshash yölünüshtin tarqitilghan bolsa, bu ussulning yardimi bolmaydu).

Eger sizning kashila dolqunini tosushta téximu ünümlük usulingiz bolsa webmaster@www.rfa.org Gha xet yézing.
   
Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet