Ishlitish shertliri

Erkin asiya radiyosi

Ishlitish shertliri

2008-Yili 26-séntebirdin bashlap küchke ige

Shertlerge qoshulush

Erkin asiya radiyosi tor bétini https://www.rfa.org Yaki, bu tor betning herqandaq iqtidarini ishlitishtin burun, uchur taxtisi (munazire meydani, munber), Podcast höjjetliri (eqliy iqtidarliq yanfon yaki ün-sin, resim, tor filimliri we PDF höjjetlirini qoyush iqtidarigha ige éléktronluq üskünilerge yüklep körüshke bolidighan herxil formattiki höjjetler) RSS yollanmiliri (bular erkin asiya radiyosi tori béti we yaki mulazimétirigha ortaq) larni öz ichige alghan, lékin bular bilenla cheklenmeydighan, töwendiki ishlitish shertlirini oqup chiqing.

Erkin asiya radiyosi mulazimetlirini ishlitish arqiliq siz bu ishlitish shertlirige boysundighanliqingiz we bu shertler körsetken da'iride cheklinidighanliqingizgha qoshulghan bolisiz. Erkin asiya radiyosi herqandaq waqitta bashqilargha uqturush qilmastinla, töwende sherhlinidighan ishlitish shertlirige öz aldigha tüzitish kirgüzüsh we uning yéngilan'ghan nusxisini öz tor bétige élan qilish hoquqigha ige. Bu tüzitish kirgüzülgen shertler élan qilin'ghan haman küche ige bolup, siz bu ishlitish shertlirige boysundighanliqingiz we bu shertler körsetken da'iride cheklinidighanliqingizgha qoshulghan bolisiz.

Neshr hoquqi

Erkin asiya radiyosi torbétidiki barliq mezmunlar amérika qoshma shtatliri we xelq'ara neshr hoquqi qanunliri teripidin qoghdilidu. Erkin asiya radiyosi sizning töwendiki: “Neshr hoquqi © 1998-2013, RFA.  Bu matériyallar
Radio Free Asia, 2025 M ST. NW, suit 300, washington 20036
Ning ruxsiti bilen ishlitildi” dégen uchurlarni kirgüzüp bizning namimizni atash sherti bilen tor bétimiz https://www.rfa.org Ge élan qilin'ghan mezmunlarni ishlitishingizni, neshr qilishingizni we qayta tarqitishingizni qarshi alidu.

Erkin asiya radiyosida bérilgen herqandaq mezmunlarni élan süpitide ishlitishke bolmaydu.

Eger erkin asiya radiyosi tor bétidin neqil keltürmekchi bolsingiz, erkin asiya radiyosi shu matériyallarni neqil süpitide körsitishingizni telep qilidu. Neqil élin'ghan üzündi özgertilmesliki, eslidiki négizlik mezmuni burmilanmasliqi shert.

Erkin asiya radiyosida anglitilghan herqandaq awazliq matériyallarni anglitish, qayta anglitish yaki erkin asiya radiyosi tor béti we yaki erkin asiya radiyosigha qarashliq bashqa toqquz bölümining tor betlirige bésilghan her qandaq resim yaki süretlik matériyallarni qayta neshr qilish qet'iy men'i qilinidu. Eger erkin asiya radiyosining ishlitish shertlirige mas kelgen bolsa buning yoli bashqa.

Soda markisi

RadioFreeAsia ® (Erkin asiya radiyosi ), RFA ® we erkin asiya radiyosi programmilar isimliri erkin asiya radiyosi cheklik shirkitige xastur. Barliq ishlitish hoquqliri erkin asiya radiyosigha tewe. Erkin asiya radiyosining yazma ruxsetnamisi bolmay turup, erkin asiya radiyosining mulazimet markiliri, shirket belgisi we resimlirini ishlitishingizge yol qoyulmaydu.

Peqet erkin asiya radiyosi shirket belgisi RSS yollanmilirigha kirgüzülgen bolsa erkin asiya radiyosi teminligen shirket belgilirini töwende körsitilgen erkin asiya radiyosi RSS yollanmiliri siyasitige mas kelgen ehwalda ishletsingiz bolidu.

Ékrandin resim tartish

Erkin asiya radiyosi tor bétini ékrandin resim tartishqa yol qoymaydu.

Erkin asiya radiyosi tor bétini ulash

Erkin asiya radiyosi axbaratchiliq exlaqi we ölchemlirige eng yuqiri derijide ri'aye qilidighan, musteqil, gheyriy- soda xaraktérdiki axbarat orginidin ibaret. Shunga, erkin asiya radiyosi tor bétini ulash (a) erkin asiya radiyosining herqandaq bir kishi yaki teshkilatning dewa-teshebbusliri, idiyiliri, torbetliri, siyasiy heriketliri, mehsulatliri yaki mulazimetlirini teshwiq qilidighan yaki qollaydighanliqini körsetmeydu. Yaki (b) erkin asiya radiyosining barliq mezmunlirini herqandaq shekildiki soda meqsitide ishlitishke bolmaydu. Biz herqandaq ulinish üchün bérilgen ijazetni élip tashlashqa hoquqluq.

Erkin asiya radiyosi ulinish yasighan 3- terep torliri

Erkin asiya radiyosi bashqilar teripidin bashqurulidighan hemde tor mezmunlirini erkin asiya radiyosi kontrol qilalmaydighan bezi tor betlerning ulanmilirini teminleydu. Erkin asiya radiyosi bu tor betlirining mezmuni, meshghulatliri, mehsulatliri yaki mulazimetlirini qollimaydu hemde erkin asiya radiyosi bu xildiki tor betlirining mezmunliri, meshghulatchiliri, érishkili bolidighan - bolmaydighanliqi, toghriliqi, süpiti, élani, mehsulatliri, mulazimetliri yaki tordiki bashqa matériyallar yaki bu xildiki torlardin alghili bolidighan matériyallargha mes'ul yaki jawabkar emes. Erkin asiya radiyosi bu xildiki tor betliride bérilgen herqandaq mezmunlar, mehsulatlar yaki mulazimetlerni ishlitish yaki ishlitish bilen baghlinishliq bolush sewebidin kélip chiqqan yaki kélip chiqti, dep guman qilin'ghan herqandaq ziyan yaki chiqimgha biwasite yaki wasitilik halda jawabkar emes.

Erkin asiya radiyosining https://www.rfa.org/english/feed/RSS Tor adrési arqiliq teminligen RSS yollanmiliri bash téma, qisqiche mezmun we toluq xewerlerning ulanmilirini öz ichige alidu. RSS Yollanmiliri amérika we xelq'ara neshr hoquqi qanuni teripidin qoghdilinidu. RSS Yollanmiliri we uninggha munasiwetlik bolghan barliq hoquqlar erkin asiya radiyosigha mensup. Peqet töwendiki belgilimilerge boysun'ghan asasta, RSS yollanmiliri quysingiz, uningdin neqil keltürsingiz yaki uning ulinishini bersingiz bolidu.

  1. Ulinish tor ishletküchilerni erkin asiya radiyosining torbétige yollisa.
  2. Ulinishni ishlitish yaki körsitish erkin asiya radiyosining herqandaq bir shey'ining (teshkilat, organ yaki ijtima'iy jem'iyetler) yaki shexsning dewa-teshebbusliri, idiyiliri, torbetliri, siyasiy heriketliri, mehsulatliri yaki mulazimetlirini teshwiq qilidighan yaki qollaydighanliqini körsetmise.
  3. RSS Yollanmiliri öz ichige alghan bash téma we qisqiche mezmunlarning négizlik menisi özgertilmigen yaki burmilanmighan bolsa.
  4. RSS Yollanmiliri arqiliq ulan'ghan xewer yaki bashqa mezmunlarni özgertmigen bolsa.

Mulazimetni ishlitish

Eger siz RSS yollanmilirini tor bétingiz, blogingiz yaki shuninggha oxshap kétidighan yumtallargha qoysingiz, siz choqum RSS yollanmilirining yénigha “Erkin asiya radiyosi xewerler témisi” dégen tékist yaki RSS yollanmiliri öz ichige alghan erkin asiya radiyosi shirket belgisini özgertmestin qoyush arqiliq RSS yollanmilirining erkin asiya radiyosigha tewelikini bildürüshingiz shert.

Erkin asiya radiyosining soda markiliri, mulazimet markiliri, yaki RSS yollanmilirini bashqa herqandaq shekilde ishlitilish qet'iy men'i qilinidu RSS. Yollanmiliri arqiliq ulan'ghan xewerler yaki bashqa mezmunlarni ishlitish üchün, mezkur ishlitish shertlirining neshr hoquqi qismigha qarang. Erkin asiya radiyosining herqachan we her qandaq seweb bilen RSS yollanmilirini teminleshni axirlashturush hem sizdin RSS yollanmiliri, RSS yollanmiliri öz ichige alghan herqandaq mezmun we yaki erkin asiya radiyosi shirket belgisini ishlitishni yaki ularni élishni toxtitishni telep qilish hoquqi bar.

  1. Siz töhmet xaraktérlik, kishining abruyigha dagh tegküzidighan, oydurma, xata yolgha bashlaydighan, peskesh, chakina, shallaq, shehwaniy, zorawan, haqaret qilidighan, tehdit salidighan, parakende qilidighan, kemsitidighan, irqchi, qopal, bashqilarning shexsiyitige tégidighan, qanunni buzidighan, öchmenlik terghibati shekillendüridighan yaki quramigha yetmigenlerge her jehettin ziyan yetküzidighan herqandaq matériyallarni chaplisingiz, yollisingiz, tarqatsingiz bolmaydu.
  2. Siz herqandaq bir ademning qiyapitige ( mesilen: erkin asiya radiyosining uchur taxtisigha bashqa kishi yaki shey'ining ismi yaki élxet adrésini ishlitip kirish) yeni erkin asiya radiyosi emeldarliri yaki xizmetchilirini öz ichige alghan, lékin buning bilen cheklinip qalmighan herqandaq biri yaki shey'ining qiyapitige kiriwalmasliqqa qoshulisiz.
  3. Siz peqet neshr hoquqi özingizde bolghan yaki éléktronluq halda tarqitishqa ruxset qilin'ghan matériyallarnila chaplisingiz, yollisingiz, tarqatsingiz bolidu. Siz üchinchi bir shexsning neshr hoquqi, soda markisi, soda mexpiyetliki, shexsiyiti, kishilik hoquqi, inawiti, exlaqi, mülük hoquqi, hawale hoquqi, mesilen: mexpiy uchurlar, soda mexpiyetliki, qatarliq hoquqlirigha buzghunchiliq qilmasliqingiz, neshr buyumlirini kechürmeslikingiz, neshr tüzümige xilapliq qilmasliqingiz kérek. Siz özingiz chaplighan, yollighan, yaki tarqatqan herqandaq matériyallarning sizning ikenliki yaki ochuq -ashkara tor dunyasida bolidighanliqigha maqul bolisiz hem wekillik qilisiz. Erkin asiya radiyosi uchur taxtisi yaki bashqa mulazimet türlirige muzika yollashqa bolmaydu.
  4. Mulazimetni peqet gheyriy soda meqsitidila ishlitilishke bolidu. Siz pul élishqa qiziqturidighan, tawar yaki mulazimetni élan qilidighan yaki qollap quwwetleshni ötünidighan mezmunlarni öz ichige alghan herqandaq matériyallarni tarqatsingiz yaki neshr qilsingiz bolmaydu.
  5. Siz yumshaq détal yaki wirus yaki ziyanliq kod yaki üskünilerni öz ichige alghan bashqa matériyallarni chaplimaysiz, yollimaysiz yaki tarqatmaysiz. Siz bu mulazimettin paydilinip zenjirsiman xetlerni taqitish, bashqilarning qiyapitige kiriwélish, jinayi heriketlirige ündesh, zor miqdarda xet tarqitish yaki“Exlet xet” tarqitish, yaki mulazimettiki bashqa abonitlargha “Exlet xet” ewetish meqsitide élxet adréslirini yighish üchün bu mulazimetni ishletsingiz bolmaydu.
  6. Siz mulazimitimizge chaplighan, yollighan, yaki tarqatqan herqandaq matériyallarni (meyli hazir melum bolghan yaki bolmighan matériyallar bolsun) siz erkin asiya radiyosining bularni monopol qilmighan yosunda, menggülük, neshr hoquqi béjisiz, siz yene xelq'araliq ijazetname bilen axbarat saheside barliq axbarat sheklide ishlitilishi, köpeytishi, qayta ötünüp bérishi, özgertishi, tarqitishi, ashkara ijra qilishi yaki qoyushigha ruxset bergen bolisiz.
  7. 18 Yashtin töwen bolghan balilar erkin asiya radiyosi uchur taxtisigha tizimlitishtin burun, choqum ata-anisining maqullighini élishi kérek. 13 Yashtin töwen balilarning munazirilerge qatnishish, bashqiche yollar bilen uchur taxtisi yaki erkin asiya radiyosini herqandaq uchur bilen teminlesh salahiyiti yoq.
  8. Siz hésabatingiz arqiliq chaplighan, yollighan, yaki tarqatqan barliq mezmunlargha pütünley özingiz mes'ul. Erkin asiya radiyosi erkin asiya radiyosi uchur taxtisidiki barliq mezmunlarni tekshürmeydu hem tekshürelmeydu. Erkin asiya radiyosining erkin asiya radiyosi uchur taxtisi yaki mulazimetlirige mulazimet arqiliq chaplan'ghan, yollan'ghan, tarqitilghan matériyallargha nisbeten herqandaq mes'uliyiti we jawabkarliqining yoqluqigha qoshulisiz. Shundaqtimu, erkin asiya radiyosining uchur taxtisi qa'idilirige xilapliq qilindi, yaki erkin asiya radiyosining siyasitige zit yaki qarshi, dep qaralghan matériyallarni éhtiyat yüzisidin öchürüsh, tehrirlesh, yaki yötkesh (mejburiyiti emes) hoquqi bar.
  9. Erkin asiya radiyosi abonitlar erkin asiya radiyosi uchur taxtisigha qoyghan bayanat-pikirlerning toghriliqini ispatliyalmaydu hem yollan'ghan matériyallarning neshr hoquqi, mülük igisining ijaziti bilen, yaki ishlitish shertlirige qoshulghan asasta chaplighanliqigha kapaletlik qilalmaydu.
  10. Siz, erkin asiya radiyosining yuqirida tilgha élin'ghan ishlitish shertlirige xilapliq qilishni öz ichige alghan herqandaq sewebtin uchur taxtisigha chiqishni cheklesh yaki toxtitish hoquqi barliqini étirap qilisiz.

Ziyan؛ tölem tölesh

Eger siz erkin asiya radiyosining uchur taxtisini öz ichige alghan mulazimetni ishletsingiz, www.rfa.org Arqiliq maqale, élxet, yaki bashqa uchur ewetsingiz, töwendikilerge boysunushqa yaki ri'aye qilishqa qoshulisiz.

Qanuniy mes'uliyetni üstige almasliq bayanati

Siz (a) erkin asiya radiyosi uchur taxtisi yaki mulazimet arqiliq chaplighan, yollighan, tarqatqan herqandaq matériyalning ishlitish shertlirige xilapliq qilmighan yaki qilmaydighanliqigha kapalet bérisiz, (b) bu mulazimetni ishletkenlikingiz, sizning bu ishlitish shertlirige qoshulghanliqingizni körsitidu. Siz erkin asiya radiyosi we uning diréktorliri, emeldarliri, xizmetchiliri, ezaliri we ruxset qilin'ghuchilirini heq-telep, qerz, rasxot we chiqimlarni tölisun, dep dewa qilmaymen, dep wede we kapalet bérishke qoshulisiz. Bu chiqimlar adwokat heqqi we töwenkilerdin (kélip chiqqan) (1) sizning yuqiridiki bayanatnamilerge we kapaletnamilerge xilapliq qilishingiz, (2) sizning mulazimetni ishlitishingiz (3) erkin asiya radiyosi uchur taxtisi yaki mulazimet arqiliq chaplighan, yollighan, anglatqan herqandaq matériyalliringiz, yaki (4) erkin asiya radiyosining neshr buyumliri, anglatqanliri yaki shu xildiki matériyallarni ishlitishingizdin kélip chiqqan.

Erkin asiya radiyosi meyli éniq, yoshurun, cheklik, omumiy we bashqiche bolghan herqandaq kapaletnamilerdiki qanuniy mes'uliyetni üstige almaydu. Erkin asiya radiyosining mulazimiti “Hazirqi halet” yosunida teminlen'gen. Erkin asiya radiyosi mulazimetlirimiz kashiligha uchrimaydu yaki xataliqtin xaliy, dep kapalet bérelmeydu. Erkin asiya radiyosi bu mulazimetni ishlitishtin kélip chiqqan aqiwet we mulazimette bar bolghan, mulazimet arqiliq yaki mulazimetke ulinish arqiliq érishilgen herqandaq uchurlar, mulazimetler, mehsulatlar, közqarashlar, yaki bayanatlarning toghriliqi, ishenchlikliki, yaki mezmuni toghrisida héchqandaq kapalet bermeydu. Mulazimitimizni peqet öz ixtiyarliqingiz bilen ishletken bolup, buningdin kélip chiqidighan barliq aqiwetlerge özingiz mes'ul. Herqandaq ehwalda, erkin asiya radiyosi we uning diréktorliri, emeldarliri, xizmetchiliri, mulazimetni ishlitish yaki ishlitelmesliktin kélip chiqqan wasitilik, egeshme, alahide, hadise xaraktérlik yaki éghir ziyanlargha mes'ul bolmaydu.

Neshr hoquqi wakaletchisi

Erkin asiya radiyosi bashqilarning eqliy mülük hoquqini hörmet qilidu. Eger siz eserliringizning her qandaq shekilde köchürülüp, neshr hoquqingizgha dexli - terz yetkenlikige ishensingiz, erkin asiya radiyosi neshr hoquqi wakaletchisige xet yézip töwendiki uchurlarni teminleysiz.

  1. Neshr hoquqi igisige wakaletchilik qilish hoquqi bérilgen kishining qolyazma yaki éléktronluq imzasi.
  2. Neshr hoququm buzghunchiliqqa uchraptu, dep qarighan esiringizning chüshendürülüshi.
  3. Neshr hoququm buzghunchiliqqa uchraptu, dep qaralghan matériyal yaki neshr hoquqi buzghunchiliqqa uchrash témisi, bu matériyallarni yötkesh, yaki torda alalmaydighan qilip qoyushqa alaqidar tepsilatlar hem bizning bu matériyallarni tépishimizgha kéreklik bolidighan yéterlik uchurlar.
  4. Adrésingiz, téléfon nomuringiz we élxet adrésingiz qatarliq alaqilishish uchurliringiz.
  5. Ishlitilgenliki shikayet qilin'ghan eserlerni ishlitishke neshr hoquqi igisi, wakaletchisi yaki qanun teripidin ijazet bérilmigenlikige chongqur ishenchingiz barliqi toghrisidiki bayanat.
  6. Doklattiki uchurlarning toghriliqi we sizning neshr hoquq igisi yaki dexli-teruzgha uchrighanliqi ilgiri sürülgen eser igisining qanuniy wakaletchisi ikenlikingiz, eger yalghan guwahliq bersingiz qanuniy jawabkarliqqa tartilidighanliqingiz toghrisidiki bayanat.

Töwendiki adrés arqiliq erkin asiya radiyosi neshr hoquq wakaletchisi bilen alaqileshkili bolidu: contact@rfa.org

Xelq'araliq abonitlar

Mulazimet amérika qoshma shtatliri ichide kontrol qilinidu yaki meshghulat qilidu. Eger siz mulazimetke amérika qoshma shtatlirining sirtidiki jaylardin chiqsingiz, amérikining éksport qanuni we belgilimilirini öz ichige alghan munasiwetlik qanunlargha boysunush mes'uliyitingiz bar.

We bashqilar

Bu ishlitish shertliri bilen shexsiyet siyasiti, herqaysi alaqidar terepning erkin asiya radiyosi tor bétini ishlitishke alaqidar barliq kélishimlerge wekillik qilidu we burunqi höjjetler, xet-alaqiler, söhbetler yaki bu ishlitish shertlirige munasiwetlik bolghan aghzaki yaki yazma kélishimlerning ornigha dessitilidu.

Bu ishlitish shertliri amérika paytexti- washin'gton kolombiye alahide rayonining qanun tallash tüzümi qandaq bolushidin qet'iy nezer, uning qanunliri (eger zörür tépilsa amérika qoshma shtatlirining munasiwetlik qanunliri) teripidin idare qilinidu we sherhlinidu.

Qanun teripidin yol quyulghan da'iride, mulazimetke munasiwetlik bolghan ishlitish shertliri da'irisidiki herqandaq talash –tartishlar bolsa yerlik yaki shu yerge jaylashqan fédératsiye sot mehkimilirige shikayet qilsa bolidu. Uningdin bashqa siz kolombiye rayoni ichidiki bashqurush hoquqi we yerlik belgilimilerge asasen sotlinishqa qoshulisiz.

Ishlitish shertlirining birer qismining bikar qilinishi yaki özgertilishi bashqa qisimlirining bikar qilin'ghanliqi we tüzitilgenlikini körsetmeydu (shundaq bolghanliqini shekillendürmeydu).

Ishlitish shertlirining herqandaq bir belgilimisini herqandaq seweb bilen ijra qilghini bolmaydighanliqi bayqalsa, shu belgilime yol qoyushqa bolidighan eng yuqiri chekte ijra qilinidu hem ishlitish shertlirining bashqa qisimliri toluq ünümi bilen dawamlashturulidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Pikir

Anonymous
Apr 09, 2015 05:55 PM

Hörmetlik erkin asiya radi'osi bashqurush xadimliri
Awstraliye - sherqiy türkistanliqlar bir qeder köp we zich olturaqlashqan we sherqiy türkistan dewasi xélila köchlük bir dölet emma biz xewerlerdin awstraliyediki pa'aliyet we herketler toghruluch tuluq xewerlerning birlmeywatqanliqigha diqqet qilip turuptimiz. Sizlerning bu dölette turushluq muxbiringlar barmu yoqmu? eger hazirghiche muxbir bolmisa öz kespini söyidighan bir muxbér qubul qilsanglar bolmamdu! bir mezgil burun awstraliye toghruluq xewerlerni xéli köp körüp turattuq- buning dawamliq saghlam tereqqiy qilishigha tilekdashmiz. Rehmet