خىتايدا يۈز بەرگەن قار ئاپىتى، خىتاينىڭ زور كۆلەملىك ئاپەتلەردە قۇتقۇزۇش ئىقتىدارى ناھايىتى چەكلىك ئىكەنلىكىنى ئاشكارىلاپ قويدى. بەزى ئانالىزچىلار بۇ قېتىمقى قار ئاپىتىدە جۇڭنەنخەيدىكى ۋېن جياباۋغا ئۆكتىچى كۈچلەرنىڭ قۇتقۇزۇشنى ئاقسىتىپ، ئاپەتنىڭ سىياسىي بەدىلىنى ۋېن جياباۋغا ئارتماقچى بولغانلىقىنى، خىتاي ئاكسىيە بازىرىنىڭ چۈشۈپ كېتىشىنى بولسا يەنە شۇلار پەيدا قىلغانلىقىنى ئىلگىرى سۈرمەكتە.
ئۇلارنىڭ ئەسكەرتىشىچە، يۇقىرىقى ۋەقەلەر خىتاينىڭ سىياسى ۋە ئىقتىسادى قۇرۇلمىسىدىكى نۇرغۇن ئاجىزلىقلارنى ئاشكارىلاپ قويغان.
ئامېرىكىدىكى ئوبزورچىمىز سىدىقھاجى روزى ئەپەندى، بۇ ئەھۋالدا "ۋېن جياباۋنى قۇربان قىلىپ، مۇستەبىت ھاكىمىيەتنى ساقلاپ قېلىشقا ئۇرۇنۇش، جۇڭنەنخەينىڭ ئاخىرقى كوزورى بولۇپ قېلىشى مۇمكىن،" دەيدۇ.
يۇقىرىدىكى ئۇلىنىشتىن، سىدىقھاجى روزى ئەپەندىنىڭ مەزكۇر ئوبزورىنىڭ تەپسىلاتىنى ئاڭلايسىز.