Abdulla qasimning ölümining shahidi bilen söhbet

Gherb xewer agéntliqliri we xelq'ara kishilik hoquq teshkilatlirining bildürüshiche, xitay hökümiti Uyghur siyasi jinayetchilirini ölümge höküm qilip, hökümni ijra qilishni özlüksiz dawamlashturiwatidu.

Royters we fransiye axbarat agentliqlirining -13 küni béyjingdin xewer qilishiche, aqsu wilayetlik ottura sot mehkimisi -7 ayning -21 küni 18 neper Uyghurni dölet bixeterlikige tehdid salghan digen jinayet bilen jazalighan we ularning arisida ikkisige ölüm jazasi bérip, shu zaman ijra qilghan.

Dunya Uyghur qurultiyining bayanatchisi dilshat rishitning bildürüshiche, bu hökümni aqsu wilayetlik sot mehkimisi bilen shayar nahiyilik xelq sot mehkimisi birliship ijra qilghan bolup, bu 18 neper kishining arisida exmet tash bilen loqman memetke ölüm jazasi, yene ikkisige muddetsiz qamaq jazasi, shundaqla qalghan 14 neper kishige 5 yildin 20 yilghiche qamaq jazasi bergen.

Xewerlerge qarighanda, xitay hökümiti -1990 yillardin kéyin aqsu wilayitining herqaysi nahiyiliride nurghunlighan kishilerni dölet bixeterlikige tehdid salghan digen jinayet bilen eyiblep, ular üstidin nahayiti tiz sür'ette ölüm hökümi chiqirip hökümni derhal ijra qilip kelmekte.

Aqsu wilayetlik sot mehkimisi -1996 yili -7 ayda abdulla qasim, iziz ziyawidun, muhemmet abla we ghoja abdulla qatarliq töt Uyghur yashni yene shayarda dölet bixeterlikige tehdid salghan digen jinayet bilen eyiblep, ularni ölüm jazasigha höküm qilip, hökümni derhal ijra qilghan idi.

Muxbirimiz ömer qanat, hazir amérikining melum shtatida yashawatqan, abdulla qasim we iziz ziyawdunlarni yeqindin tonuydighan ismini ashkarilashni xalimighan bir Uyghur bilen, ular ning hayati, pa'aliyetliri we türmide tarqatqan azabliri heqqide söhbet ötküzdi.

• Tepsilatini anglash
• Download story audio