Хитай һөкүмити диний паалийәтләргә қаратқан контроллуқини күчәймәктә


2004-11-03
Share

Дуня уйғур қурултийиниң билдүрүшичә, хитай һөкүмити нөвәттә уйғур елидики һәр қайси вилайәт, наһийиләргә алтә маддилиқ уқтуруш чүшүрүп, диний паалийәтләргә болған контроллуқини күчәйтиш һәққидә йолйоруқ бәргән.

Дуня уйғур қурултийи тәминлигән мәзкур уқтурушниң бир көчүрүлмә нусхисидин ашкарилинишичә, хитай һөкүмити уқтурушта алди билән, диний сорунларға қаратқан назарәтни күчәйтиш, йәни йилда тәкшүрүп туруш, баһалаш елип бериш, андин диний затларниң паалийәтлирини башқурушни күчәйтиш, қанунсиз диний паалийәтләргә қарши туруп, диний әсәбийләргә зәрбә бериш, тәбир мәзмунлириға болған башқурушни күчәйтиш, пәқәт һөкүмәт бәлгилигән мәзмунларда тәбир бериш, йезиларда хитай һөкүмитиниң диний сиясий тәшвиқлирини күчәйтиш қатарлиқларни бәлгилигән.

Диний затларға болған "вәтәнпәрвәрлик"

Хитай һөкүмитиниң уқтурушида йәнә, диний затларға болған "вәтәнпәрвәрлик" тәрбийисини күчәйтишму алаһидә тәкитләнгән.

Хитай даирилириму сәйшәнбә күни бу һәқтә мәлумат берип, уйғур аптонум районлуқ парткомниң алтинчи нөвәтлик сәккизинчи омумий йиғини җәрянида диний ишларға болған башқурушни күчәйтиш һәққидә һәр қайси вилайәт, наһийиләргә уқтуруш чүшүргәнликини билдүрди.

Рамизан мәзгилидики күчәйтилгән башқуруш

Хитай һөкүмити чүшүргән бу уқтурушниң вилайәт - наһийиләрдә қандақ иҗра қилиниватқанлиқи һәққидә тәпсилий мәлумат игиләш үчүн хотән лоп наһийилик диний ишлар комитетиға телефон қилдуқ. Зияритимизни қубул қилған бир мәсул хадим, өзиниң бу уқтуруштин анчә хәвәр тепип кәтмигәнликини, бирақ мәзкур наһийиниң вилайәтниң йолйоруқи бойичә рамизан мәзгилидә диний ишларға қаратқан башқурушни күчәйтиш һәққидә орунлаштуруш елип барғанлиқини билдүрди. Хотән вә башқа җайлардики бир қисим аһалиләрму рамизан ейи җәрянида уларниң диний әркинликиниң техиму бәк чәклиниватқанлиқини тәкитлиди.

Рамизан ейида рози тутуш, җамаәт халиған йәргә топлишип ибадәт қилиш, диний тәлим тәрбийә елиш қатарлиқ пуқраларниң әң асаслиқ диний вә кишилик һоқуқиниңму буниңдәк һәқсизларчә дәпсәндә қилиниши кишини толиму ечиндуридиған бир әһвал. Шуңиму хәлқара кишилик һоқуқ тәшкилатлири вә америка қатарлиқ ғәрб дөләтлири хитай һөкүмитиниң уйғур елидә йүргүзиватқан диний сиясәтлирини бирдәк әйибләп кәлмәктә.

Дуня уйғур қурултийиниң баянатчиси дилшат ришит хитай һөкүмитиниң уйғур елидики диний әркинликни бастурушиниң сәвәбини чүшәндүрүп, мундақ дәп билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт