Хитай һөкүмити уйғур елидики нәшриятчилиққа болған контруллуқини күчәйтти


2004-09-17
Share

Уйғур районидики хитай һөкүмәт ахпаратлиридин ашкарлинишичә, хитай коминст партийә мәркизи һөкүмитиниң нәшриятчилқта сақлиниватқан мәсилиләрни тәртипкә селиш болупму сиясий йөнүлүш характерлик хаталиқларниң йүз беришигә йол қоймаслиқ һәққидики буйруқиға асасән, нөвәттә хитай партийә һөкүмәт даирилири уйғур елиниң мәтпуат саһәсигә болған контуллуқни күчәйткән.

Хаталиқларға йол қоюш җәмийәт муқимлиқиға тәһдид елип келиши мүмкин

Чаршәнбә ечилған, уйғур аптонум районлуқ нәшрият хизмити йиғинида, уйғур аптонум райони парткоминиң муавен секритари нур бәкри нәшриятчилқниң хитайниң һәм уйғур райониниң муқимлиқи билән зич мунасивәтлик икәнликини көрситип :

" Уйғур аптонум райони нәшриятчилиққа болған башқурушни күчәйтиш керәк болупмубәзи нәшрият орунлирида сиясий хаталиқларниң алдини елишта бошлуқ бар, әгәрбу хил сияси характерлиқ хаталиқларни вақтида тосуп қалалмисақ, җәмийәт муқимлиқиға тәһдид елип келиши мүмкин "дәп җидди тәкитлигән.

Шундақла у ахпарат саһәсини чоқум түзүш керәкликини билдүрүп, һәр қайси гезит, жорнал, китап, нәшриятчилиқида мәхсус сияси тәһрирлик һалқисини күчәйтиш керәк, мәсилини байқиған һаман қаттиқ бир тәрәп қилиш, нәшриятчилиқ базирини давамлиқ тазилап туруш керәк дигән.

Уйғур елида барлиқ ахпарат нәшрият саһәлири хитай коминист партийисиниң башқуришида болуп, хитай комнист һөкүмитиниң мәнпәәти үчүн хизмәт қилиду,йәни бу саһәләр хитай компартийисиниң тәшвеқат апаратиду. Хитай конист һөкүмити уларни сияси җәһәттин назарәт қилиду.

Китабларму көйдүрүлгән еди

Радиомиз мухбирлириниң игилигән ахпаратлиридинму мәлумки, хитай даирилири уйғур елида йеқинқи йиллардин буян, нәшрият базарлирини тәртипкә селиш, идиологийә җәһәттики миллий бөлгүнчилик вә тероризимға қарши туруш, қанунсиз динний нәширят боюмлирини тазилаш дигәндәк баһанә сәвәпләр билән көп қетим китап көйдүрүш, мәтбә орунлирини тақаш, нәшри боюм вә китапларни йиғиш һәркәтлириниелип барди. Шундақла мәдинийәт- сәнәт саһәсидә вә нәширятчилиқ саһәсидики бир қисим язғучи шаир вә тәһрирләрни тәнбиһ астиға алди.

Көп әдипләр қолға елинған

Уйғурларниң атағлиқ тарихчи алим, язғучилиридин турғун алмас әпәндиниң үч китавениң тәнқидлиниши вә йиғивелиниши,тарихчи қурбан вәлиниң китаплириниң йиғип көйдүрүлиши, йәнә сидиқ һаҗи рози, тохти мозарт, һаҗи яқуп, әхмәд игәмбәди, долқун ясин, әхмәтҗан осман қатарлиқларниң бәзилириниң түрмиләргә елиниши, қийин қистаққа елиниши вә бәзилириниң чәтәлләргә чиқип кетишкә мәҗбур болуши қатарлиқ нурғун мәсилиләр хитайниң уйғур елидики мәдинийәт - сәнәт, мәтбуат саһәсигә болған контуруллиқиниң әзәлдинла күчлүк болуп келиватқанлиқини көрсүтүп бериду.

Илгири җәңгивар иҗади нахшилири хитай һөкүмитиниң чәклишигә учрап чәтәлгә чиқип кетишкә мәҗбур болған, шинҗаң сәнити жорнилиниң тәһрири болуп ишлигән, күрәш көсән әпәнди хитай коминст партийисиниң пүтүн хитайда мәтбуат әркинликини контурул қиливатқан болсиму, уйғурлар елида бухил контуруллуқниң алаһидә гәвдилик икәнликини көрсәтти һәмдә буниң сәвәплири вә тәсири һәққидә тохтилип мундақ деди:

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт