Шәрқий түркистан миллий армийиси өз-өзини тәминлигән армийә


2004.12.08

Бир дөләт үчүн өз армийисини қоралландуруш вә униң барлиқ һәрбий тәминатлирини йетәрлик дәриҗидә һәл қилиштәк муһим вә мүшкүл вәзипә болмиса керәк?!

Болупму, течлиқ шараити астида армийини беқиш билән уруш шараитида армийини беқиш вә униң җәңләрдә ғалип чиқишиға капаләтлик қилиш пүтүнләй икки хил иш. Демәк, 1944-йили 12-ноябирда қурулған шәрқий түркистан җумһурийити һөкүмити хәлққә тоғра йетәкчилик қилипла қалмастин, бәлки һәрбий, сиясий вә иқтисадий башқуруш җәһәтләрдиму қисқиғина вақит ичидә зор нәтиҗә қазинип, өзиниң һәқиқи иқтидарини намаян қилди.

Шәрқий түркистан һөкүмити мәхсус һәрбий тәминат оргини қуруп, хитай гоминдаң һөкүмитидин мусадирә қилинған мал-мүлүкләр, хәлқтин йиғилған ианиләр вә башқиларни иқтисадий мәбләғ қилип, совет иттипақи билән сода қилиш асасида өз армийисиниң қорал-ярақ, кийим-кечәк вә башқа әслиһәлирини һәл қилған.

Әйни вақиттики миллий армийә баш қоманданлиқ шитабиниң һәрбий тәминат бөлүмидә хизмәт қилған капитан муһәммәдҗан әпәнди шәрқий түркистан хәлқи вә һөкүмитиниң өз армийисиниң чиқимлирини өзлири һәл қилғанлиқи, җәңчи офитсерләрниң тәминатлириниң яхши болғанлиқи, совет иттипақиға көп қетим мал-чарва вә ашлиқ мәһсулатлирини өткүзүп, армийигә керәклик болған гәзмаллар вә башқиларни сетивалғанлиқи һәққидә тохталди.(Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.