Sherqiy türkistan milliy armiyisi öz-özini teminligen armiye

• Muxbirimiz ümidwarning bu heqtiki söhbiti
• Download story audio

Bir dölet üchün öz armiyisini qorallandurush we uning barliq herbiy teminatlirini yéterlik derijide hel qilishtek muhim we müshkül wezipe bolmisa kérek?!

Bolupmu, téchliq shara'iti astida armiyini béqish bilen urush shara'itida armiyini béqish we uning jenglerde ghalip chiqishigha kapaletlik qilish pütünley ikki xil ish. Démek, 1944-yili 12-noyabirda qurulghan sherqiy türkistan jumhuriyiti hökümiti xelqqe toghra yétekchilik qilipla qalmastin, belki herbiy, siyasiy we iqtisadiy bashqurush jehetlerdimu qisqighina waqit ichide zor netije qazinip, özining heqiqi iqtidarini namayan qildi.

Sherqiy türkistan hökümiti mexsus herbiy teminat orgini qurup, xitay gomindang hökümitidin musadire qilin'ghan mal-mülükler, xelqtin yighilghan i'aniler we bashqilarni iqtisadiy meblegh qilip, sowét ittipaqi bilen soda qilish asasida öz armiyisining qoral-yaraq, kiyim-kéchek we bashqa eslihelirini hel qilghan.

Eyni waqittiki milliy armiye bash qomandanliq shitabining herbiy teminat bölümide xizmet qilghan kapitan muhemmedjan ependi sherqiy türkistan xelqi we hökümitining öz armiyisining chiqimlirini özliri hel qilghanliqi, jengchi ofitsérlerning teminatlirining yaxshi bolghanliqi, sowét ittipaqigha köp qétim mal-charwa we ashliq mehsulatlirini ötküzüp, armiyige kéreklik bolghan gezmallar we bashqilarni sétiwalghanliqi heqqide toxtaldi.(Ümidwar)