Ghulja qozghilingi we sherqiy türkistan jumhuriyiti

• Buning tepsilatini muxbirimiz ümidwarning sherqiy türkistan jumhuriyitining bash katibi abdurop mexsum ibrahimi bilen ötküzgen söhbitidin anglang
• Download story audio

1944-Yili, 5- noyabir küni "azadliq teshkilati" ghulja shehride qoralliq qozghilang kötirishni qarar qildi. 7- Noyabir küni lu bindéni étip öltürüsh bilen ghulja qozghilingining birinchi oqi étildi. Ghéni batur bashlighan nilqa qozhilangchiliri ghuljigha yétip kélip, azadliq teshkilatining ezaliri bilen birleshkendin kéyin, 7- noyabir künliridin étibaren bash saqchi, wali mehkimisi, qomandanliq shitab qatarliq nuqtiliq jaylargha hujum qozghap, ilgiri- kéyin ularni ishghal qilghandin kéyin, 8000 din artuq xitay eskerliri hemde ularning a'ile –tawabatliri we xitay puqraliri herembagh, ayrodrom qatarliq jaylargha békiniwaldi.

12-Noyabir küni bolsa sherqiy türkistan jumhuriyiti qurulghanliqi jakarlinip, elixan töre jumhuriyet re'isi, hakimbeg ghoja mu'awin re'is, abdurop mexsum ibrahimi hökümet bash katibi boldi, ene shuningdin tartip, taki 1945-yili 9-ayghiche bolghan 10 ay ichide sherqiy türkistan jumhuriyiti ili, tarbaghatay we altay wilayetlirini toluq azad qilip, bu jaylarda öz hakimiyitini ornatti.

Sherqiy türkistan jumhuriyitining bash katibi, 90 yashliq abdurop mexsum ibrahimi sowét ittipaqining bashta bu inqilapni qollighanliqi hetta azadliq teshkilatigha Uyghurlarning musteqil dölet qurushigha yardem béridighanliqi heqqide weqe bergenlikini körsitidu.(Ümidwar)