Uyghur élining xitay armiyisi teripidin ishxal qilin'ghanliqgha 55 yil boldi

Uyghur élining xewer tor betliride 17 - dékabir jüme küni bérilgen xewerlerdin melumki , xitay hökümiti bu künde xitay xelq azadliq armiyisining Uyghur éligha kirgenlikining 55 yilliqini tebriklimekte.

• Muxbirimiz gülchéhrening bu heqtiki ptogrammisi
• Download story audio

Ürümchi kechlik gézitide bu heqte "xitay xelq azadliq armiyisi muqimliqni qoghdash mushtumi" namliq bir maqale élan qilindi . Maqalide "jonggo kommunistik partiye rehberliki astidiki xitay xelq azadliq armiyisi, shinjanggha kirgen 55yildin buyan , shinjangning muqimliqini saqlashta, xitayning chégrisini qoghdashta , iqtisad we jemiyetni tereqqiy qildurushta, milletler ittipaqliqini qoghdashta özining muqeddes wezipisini yaxshi orunlap, bu musapide Uyghur élining muqimliqini qoghdashta küchlük bir mushtum ikenliki körsetti" dep bahalar bérilgen .

Gerche xitay hökümiti qizil armiyisini 55yil burun Uyghur élini azad qilishqa , güllendürüshke kelgenlikini körsitiwatqan bolsimu , emma tarixiy matéri'allar we eyni dewir sherqiy türkistan milliy inqilabining shahidliri ispatlap turuptiki , xitay azadliq armiyisi 1949 - yili sherqiy türkistan jumhuriyiti rehberliri qestlepp yoq qilin'ghandin kéyin, sherqiy türkistanni ishghal qilish, sherqiy türkistan xelqining zémin, menpe'et we barliq hoqoqlirini tartiwilishqa kelgen ishghaliyetchi armiyidin bashqa nerse emes.

Xitaylar üchün xatiriliq bu kün Uyghur üchün musibettur

Shunga xitay hökümiti bu künni shinjangning tinch azad bolghanliqining xatire küni dep tebriklise, sherqiy türkistan milliy inqilabining shahidliri, shundaqla milletperwer , wetenperwer Uyghurlar bu künni öz wetinining xitay hökümiti teripidin bésiwélin'ghan, musibetlik küni süpitide qayghular bilen eslep, milliy azadliq yolida xitay armiyisi qolida qurban bolghan shahidlarni yad étidu. Ular eyni tarixiy dewirde qolidin ketken azad wetini we hörlikini qaytidin qolgha keltürüshke bolghan ishenchisini özmey kelmekte.

Xitay xelq azadliq armiyisi Uyghur élini ishghal qilghandin kéyin, Uyghur élida néme özgürüshler boldi ? Uyghur xelqining teqdiride néme özgürüshler boldi ? xitay xelq azadliq armiyisi Uyghur élining muqimliqini saqlidimu yaki muqimsizliqni keltürüp chiqiriwatamdu ? xelqni parawan qildimu yaki parakende qildimu ? bu so'allargha xitay hökümitining bergen jawabliri bilen Uyghurlarning pütünley oxshimaydu.

Xitay azadliq armiyisining Uyghur élini ishxal qilghanliqigha 55yil bolghanliqi munasiwéti bilen dunya Uyghur qurultiyi bayanatchisi dilshat rishit radi'omizgha bayanat berdi. Uyghur amérika birleshmisining re'isi nuri türkelmu bu heqte öz qarshlirini otturigha qoydi.

Buning tepsilatini, yuqiridiki awaz ulinishidin anglang.