Русийә җиддий ишлар министири, генерал армийә шойгу: тувалар уйғурларниң тувада қалған қериндашлири


2008-03-10
Share

Йеқинда русийә җиддий ишлар министири, генерал армийә сергей шойгу қазақистан пайтәхти астанаға келип, қазақистан җумһурийәтлик уйғур мәдәнийәт мәркизиниң рәиси әхмәтҗан шардиноф, доктор аблиз абдуллайев башлиқ бәш кишилик бир вәкилләр өмикини қобул қилип, улар билән тувалар билән уйғурлар арисидики мәдәнийәт алақилири җүмлидин түвадики қәдимки уйғур қәләсини әслигә кәлтүрүш пилани бойичә һәмкарлиқ мәсилилири бойичә музакирә елип барған.

Тува миллитидин болған русийиниң генерал армийә һәрбий унванидики министири сергей шойгу сөзидә өзиниң уйғурларға алаһидә қизиқидиғанлиқи, тува билән уйғурларниң қәдимий мәдәнийәт бағлиниши барлиқини әскәрткән.

Өткән йили русийә җиддий ишлар министири, генерал армийә сергей шойгуниң башламчилиқида русийиниң сибирийә районидики тува җумһурийитиниң терә хөл дәп аталған җайиға җайлашқан милади 8 - әсирдики уйғур қағани моюнчурниң қәләси пор - баҗинни әслигә кәлтүрүш һәмдә у җайда археологийилик тәкшүрүш елип бериш хизмити башланған болуп, буниңға москва, қазан, санктпетербург қатарлиқ шәһәрләрниң алимлири иштирак қилғандин сирт йәнә мәхсус бир фонд һәм мәслиһәтчиләр комитети қурулуп, униңға русийә дөләт думасиниң рәиси глизноф, русийә ички ишлар министири нурғалийев, бихәтәрлик идарисиниң башлиқи патрушев, москва шәһәр башлиқи лушков һәм татаристан җумһурийитиниң президенти шәмийев вә башқа бир қисим юқири дәриҗилик русийә дөләт рәһбәрлири вә бай-карханичилар қатнашқан иди.

Өткән һәптидә министир шойгу қазақистан пайтәхти астанаға кәлгәндә қазақистан уйғур мәдәнийәт мәркизи вәкиллири билән көрүшкән болуп, сөһбәткә иштирак қилған доктор аблиз абдуллайев телефон зияритимизни қобул қилди.

юқиридики улиништин, силәр өз мухбиримиз үмидварниң сергей шойгу билән болған мәзкур учришишқа қатнашқан, қазақистан җумһурийәтлик мәдәнийәт иттипақиниң алимлар кеңишиниң мәсули доктор аблиз абдуллайев әпәнди билән мәзкур учришишниң мәзмунлири һәққидә өткүзгән сөһбитини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт