IPAC Хитайниң “20 дөләт башлиқлири” һәққидики чүшлирини чалғитти

Мухбиримиз әзиз
2021.10.26

30- Вә 31-өктәбир күнлири италийәниң рим шәһиридә ечилмақчи болған “20 дөләт башлиқлири йиғини” (G20) йеқинлаватқанда “хитайға қарита хәлқара парламентлар бирләшмиси” (IPAC) хитай һөкүмитиниң мушу қетимлиқ йиғиндин пайдилинип, өзлиригә пайдилиқ бир қисим “шерин чүш” ләрни әмәлгә ашуривелишиға қарши паалийәтләрдә болмақтикән.

Әнглийәдики “көзәткүчи” ториниң 25-өктәбирдики хәвиридә ейтилишичә, бу қетимлиқ йиғинға әнглийә баш вәзири борис җонсон қатарлиқ көплигән дөләт башлиқлири қатнишидикән. Әмма хитай рәиси ши җинпиң вирусни баһанә қилип, өзиниң вәкилини йиғинға әвәтидикән. Әмма өзи биваситә йиғинға қатнашмайдикән. Хәвәрдә ейтилишичә, бу қетимқи йиғинда хитай һөкүмитиниң уйғур дияридики қирғинчилиқ қилмиши һәмдә уларниң хоңкоңдики демократийә һәрикитини бастуруши нуқтилиқ оттуриға қоюлидиған темилардин болуши мумкин, дәп тәхмин қилинмақтикән. Шу сәвәбтин IPAC мушу қетимлиқ йиғин пурситидин пайдилинип хитайға қарши бир қатар наразилиқ паалийәтлирини тәшкиллимәктә. Мәзкур парламентлар бирләшмисигә әза болған шәхсләр ичидә америка сиясий сәһнисидики марко рубйо, боб менендез қатарлиқ дөләт мәҗлиси әзалири, әнглийә парламентидики дункан симис қатарлиқ сиясийонлар бар болуп, улар бу қетимқи йиғинға биваситә қатнашмақчи икән. Мәзкур бирләшминиң қош рәислириниң бири болған дункан симис әпәнди бу һәқтә сөз қилип; “биз хитай һөкүмитиниң 20 дөләт башлиқлири йиғинида оңайла өткәлдин өтүвелишиға йол қоймаймиз. Чүнки улар уйғурларға зиянкәшлик қиливатиду, деңизда зомигәрлик қилип башқиларға тәһдит селиватиду” дегән.

IPAC Тәшкиллимәкчи болған бу намайишниң көлими тарихтики әң зор сәвийәдә болуп, хәвәрдә ейтилишичә уларниң асаслиқ мәқсити “хитайниң 20 дөләт башлиқлири йиғинида шерин чүшлирини бузуп ташлаш” дәп қаралмақтикән. Йәнә келип бу қетимқи йиғинға тибәт сәргәрдан һөкүмитиниң баш министири пенпа сериң, тәйвән ташқи ишлар министири җосеф ву қатарлиқларму қатнишидиған болуп, улардин башқа бир қисим уйғур вә хоңкоң паалийәтчилириму римға йолға чиқиш алдида икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.