2013 - Йили дуня миқясида өлүм җазасиға һөкүм қилинғанларниң сани көпәйгән

Мухбиримиз әркин
2014-07-18
Share

Өлүм җазасиға қарши бир италийә кишилик һоқуқ тәшкилатиниң доклатида көрситишичә, 2013 - йили дуня миқясида өлүм җазасиға һөкүм қилинғанларниң сани көпийип, хитай йәнила дунядики әң көп өлүм җазаси беридиған дөләтлик орнини сақлап қалған.

Доклатта, өткән йили дуня бойичә 4106 адәм өлүм җазасиға мәһкум қилинип,2012 - йилқидин ешип кәткән. Хитай өткән йили 3000 дин артуқ адәмни өлүмгә буйруп, дуня бойичә өлүмгә мәһкум қилинғанларниң 76 % ни тәшкил қилған.

Мәзкур органниң җүмә күни елан қилинған доклатида йәнә, хитайниң террорлуққа қарши туруш һәрикити шәрқий түркистанда қаттиқ елип бериливатқанлиқини билдүрүлүп, 2009 - йили уйғур елидә "дөләт бихәтәрликигә тәһдит селиш" билән әйиблинип җазаланғанларниң әң юқири басқучқа йәткәнлики, буниң шу йили йүз бәргән "5 - июл вәқәси" билән мунасивәтлик икәнлики көрситилгән.

Доклатта йәнә, 2012 - йили бу җинайәт билән әйиблинип җазаланғанларниң 2011 - йилқидин азайғанлиқини билдүргән болсиму, бирақ террорлуқ қатарлиқ башқа хил җинайәтләр билән әйиблинип өлүмгә буйрулғанларниң сани һәққидә тохталмиған.

Доклатта көрситишичә, хитайда 2013 - йили өлүмгә мәһкум қилинғанлар алдинқи йил билән охшаш сәвийәни сақлап қалған.

Хитай 2007 - йили қанунға түзитиш киргүзүп, өлүм җазасини алий сот тәстиқлашни йолға қойған.

Кишилик һоқуқ паалийәтчилириниң көрситишичә, шуниңдин буян хитайда өлүм җазаси азийишқа қарап маңди, дәп қаралсиму, бирақ өлүм мәһкум қилинғанларниң әмәлий сани кишиләр тәхминән қилғандин көп юқири болған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт