En'gliye arxipi tyen'enmén weqeside on ming adem ölgenlikini ashkarilidi

Muxbirimiz ümidwar
2017-12-24
Share

Yéqinda en'gliye terep 1989-yilidiki tyen'enmén weqesige munasiwetlik bir parche mexpiy arxip höjjitini ashkarilighan bolup, mezkur mexpiy höjjette 1989-yili 6-ayning 4-künidiki basturushta xitay azadliq armiyesining az dégende on ming ademni öltürgenliki bayan qilin'ghan.

En'gliye b b s agéntliqining xewer qilishiche, bu sanliq melumatni eyni waqittiki béyjingdiki en'gliye bash elchisi alan donald xitay dölet ishliri komissarliq wezipisi ötigen bir kishidin érishken.

Tyen'enmén weqeside oqughuchilarni öz ichige alghan qanchilik ademning ölgenliki hazirghiche éniqsiz sir bolup, eyni waqitta xitay hökümet terep asasliqi puqralar, az sandiki amanliq xadimliridin bolup, bir qanche yüz ademning ölgenlikini éytqan bolsimu, bu reqemler qayil qilishqa érishelmey kelmekte idi.

Sabiq en'gliye bash elchisi alan donald 1989-yili, 5-iyun küni mezkur mexpiy télégrammisini yollap, az dégende on ming ademning ölgenlikige a'it "Uchur menbesining melum bir uchur yetküzgüchi ikenliki", "Bu ademning bu uchurlargha özining dölet ishliri komissarliq wezipisidiki mexpiy dosti arqiliq érishkenliki we mezkur uchurlarning kélish menbesining nahayiti ishenchilikliki" ni eskertken. Bu höjjette bronéwiklarning köp qétim oqughuchilarni bésip ötkenliki, oqughuchilarning eskerlerning oqqa tutushigha uchrighanliqi, jesetlerning axiri bir yerge toplinip köydürülgendin kéyin jeset küllirining ewrez yoli arqiliq éqitiwétilgenliki tilgha élin'ghan.

Bu arxip höjjiti londondiki en'gliye dölet arxipxanisida saqlan'ghan bolup, bu yil 10-ayda mexpiyiti bikar qilin'ghan we metbu'atlargha ashkarilan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet