Җон моленар:“бәш түрлүк хитай тәһдитигә сәл қарашқа болмайду!”

Вашингтондин мухбиримиз уйғар тәйярлиди
2024.04.30

Йеқинда америка дөләт мәҗлиси әзаси җон моленар хитай компартийәсидин келиватқан тәһдитләрниң давамлиқ күчийиватқанлиқини, шуңа америка билән хитай компартийәси оттурисидики риқабәттә америкиниң қәтий бошишип қалмаслиқи лазимлиқини илгири сүргән.

Америка-хитай истратегийәлик риқабәт пәвқуладдә комитетиниң йеңи рәиси, җумһурийәтчиләр партийәсиниң әзаси җон моленар (John Moolenaar)  2024-йили 4-айниң 29-күни “фокес хәвәрлири”  (FOX News) дә елан қилинған “америкиниң сәл қарашқа болмайдиған бәш түрлүк хитай тәһдити” намлиқ мулаһизә мақалисидә мушу саһәдики мәсилиләрни нуқтилиқ шәрһлиди.

У мақалисидә хитайниң базарни контрол қилип америка санаитигә зиян селиватқанлиқини алаһидә тилға елип “биз дуч келиватқан хәвп-хәтәр ашу қәдәр күчийиватқанда демократчилар вә җумһурийәтчиләрниң бу шумлуққа бирликтә тақабил туруши бәкму муһим” дәп көрсәтти.

У мақалисидә америка дуч келиватқан бәш түрлүк хитай тәһдитини санап өтиду. Булар америка билән иттипақдаш болуватқанларни, җүмлидин тәйвәнни хитайниң һәрбий ишғалийитидин қоғдап қелиш, хитай компартийәсиниң америка тәвәсигә фентанилни төкмә қиливетишигә чәк қоюш, хитай компартийәсиниң дуня иқтисадидики лити батарейәси қатарлиқ ачқучлуқ саһәләргә һөкүмран болувелишиниң алдини елиш, америка тәвәсидә хитай компартийәсиниң тәсирини кеңәйтиш шумлуқини тосуш, хитай компартийәсиниң тәшвиқат урушиға қарши туруш қатарлиқлар болуп, буларниң һәммиси америка дуч келиватқан әң җиддий мәсилиләр һесаблиниду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.