Xitay ishliri komitéti: "Xitay hökümitining insaniyetke qarshi jinayet sadir qiliwatqanliqigha da'ir pakitlar bar"

2020-01-08
Élxet
Pikir
Share
Print
Amérika dölet mejlisi we hökümitige qarashliq bolghan xitay ishliri komitétining bashliqliri marko rubiyo we kiristofér simit mexsus Uyghurlarning weziyiti heqqide élan qilghan bayanatining twittérdiki ulanmisidin süretke élin'ghan. 2018-Yili 8-yanwar.
Amérika dölet mejlisi we hökümitige qarashliq bolghan xitay ishliri komitétining bashliqliri marko rubiyo we kiristofér simit mexsus Uyghurlarning weziyiti heqqide élan qilghan bayanatining twittérdiki ulanmisidin süretke élin'ghan. 2018-Yili 8-yanwar.
cecc.gov

Amérika dölet mejlisi qarmiqidiki xitay ishliri komitéti 8- yanwar küni élan qilghan yilliq doklatida "Xitay hökümitining insaniyetke qarshi jinayet sadir qiliwatqanliqigha da'ir küchlük pakitlar bar", dep körsetti.

Uyghur élining weziyiti xitay ishliri komitétining xitayning kishilik hoquq we qanunning ijra qilinish weziyiti bahalap chiqilidighan bu yilliq doklatidin ayrim bir sehipe süpitide orun alghan bolup, buningda "Komitétimiz xitay hökümitining rayonda Uyghurlar we bashqa musulman türkiy milletler üstidin 'insaniyetke qarshi jinayet' sadir qiliwatqanliqigha ishinidu" dep yézilghan.

Doklatta yene, xitay hökümitining Uyghur élide zor kölemlik tutqun herikiti yürgüzüp yighiwélish lagérlirini qurghanliqi, bu orunlarda heqiqiy san éniq bolmasliq bilen birge az dégende bir milyondin oshuq tutqun barliqi bayan qilin'ghan we mejburiy emgek mesilisimu tilgha élin'ghan.

Doklatta yene, xitay hökümitining Uyghur élide lagér sirtidimu yuqiri téxnikiliq nazaret sistémisini qollinish arqiliq, Uyghurlar we bashqa milletlerge orwélche saqchi sistémisi arqiliq zulum qiliwatqanliqi eskertilgen.

Amérika dölet mejlisi qarmiqidiki xitay ishliri komitétining bu yilliq doklati mezkur komitét re'isi jeymis makgowrn we mu'awin re'isi marko rubiyolarning imzasi bilen élan qilin'ghan.

Doklat élan qilinishi munasiwiti bilen 8- yanwar küni etigende amérika dölet mejlisi binasida axbarat élan qilish yighini ötküzüldi.

Paytext washin'gton etrapidiki bir qisim Uyghurlar qollirida lagérlargha solan'ghan uruq-tughqanlirining resimlirini kötürüshken halda bu axbarat yighinigha qatniship diqqet tartti. Bu heqtiki tepsiliy melumatlar tepsiliy xewerler sehipimizde dawamliq diqqitinglarda bolidu

Toluq bet