Tajsiman wirusi heqqide bezi yéngi bayqashlar otturigha chiqti

Muxbirimiz eziz
2020-06-09
Share

Yéqinqi tetqiqatlar xitaydin tarqilip pütün dunya üchün wabagha aylinip ketken tajsiman wirusining bashlan'ghan waqti heqqide bezi yéngi hökümlerni otturigha chiqiriwatqanliqi melum. Xarward uniwérsitétining tetqiqatchiliri bayqighan ehwallar ene shuning biridur.

BBC Agéntliqining 9-iyundiki xewiride éytilishiche, hazirghiche tajsiman wirusi wuxen shehiride eng deslep 2019-yili noyabirda bayqalghan dep qariliwatqan iken. Emma xarward uniwérsitétining tetqiqatchiliri sün'iy hemrah süretlirini sélishturush arqiliq 2019-yili awghusttin noyabirghiche bolghan mezgilde wuxen shehiridiki doxturxanilarning mashina toxtitish meydanigha toxtighan mashinilar sanigha qarap chiqqan. Netijide bu mezgildiki mashinilarning sani aldinqi yilining oxshash mezgilidiki mashina sanidin 70 pirsentche köp ikenlikini bayqighan. Tetqiqat guruppisining mes'uli doktor jon bu heqte toxtilip: "Roshenki, bu ashu mezgilde qandaqtur bir jiddiy késelning ushtumtutla nurghun ademni doxturxanigha kélishke mejbur qilghanliqini körsitidu" dégen.

Xitay hökümiti wirus heqqidiki ehwalni 2019-yili 31-dékabir küni resmiy élan qilghan bolup, 2020-yili 23-yanwarda wuxen shehirini qamal qilishni bashlighan. Alimlar mushu ehwalgha asasen wirus belkim awghust ayliridila tarqilishqa bashlighan bolushi mumkin, dep qarashqa mayil bolushmaqtiken.

Xitay hökümitining bayanatchisi xu'a chünying buni qet'iy inkar qilip "Bu tolimu bimene bir tetqiqat bolghan. Qatnash qistangchiliqi bilen bu wirusning héchqandaq baghlinishi yoq" dégen. Emma xitaydiki ehwallar bilen tonushluqi bolghan bir qisim analizchilar "Xitay hökümiti herqachan heqiqetni we ré'alliqni inkar qilidu. Ularning mashinilar sani heqqidiki tetqiqatni inkar qilishi bekmu gumanliq" déyishmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.