Abduqadir yapchanning mesilisi türkiye parlaméntida kün tertipke keldi

Muxbirimiz irade
2016-11-24
Élxet
Pikir
Share
Print

Türkiye saqchi da'iriliri teripidin tutqun qilinip qamap qoyulghan, Uyghurlar arisida tonushluq jama'et erbabi abduqadir yapchanning xitaygha qayturulidighanliqi heqqide xewerler tarqalghandin kéyin, bu mesile türkiye parlaméntidimu kün tertipke keldi.

Türkiye parlaméntining jumhuriyetchi heriket partiyisidin bolghan parlamént ezasi gürsel tékin abduqadir yapchan heqqide resmiy so'al mektupi teyyarlap, uni mu'awin bash ministir tughrul türkeshke yollighan we uningdin bu mektupqa jawab bérishni telep qilghan.

Türkiyediki "Yéngi chagh" gézitining xewiridin qarighanda, parlamént ezasi gürsel tékin mektupida mundaq dégen: "Sherqiy türkistanliqlarning hörmitige érishken abduqadir yapchanning tutqun qilinishining del türkiyede shangxey hemkarliq teshkilatigha oxshash asassiz bir teshkilatqa kirish heqqide gep-sözler bolunuwatqan mezgilge toghra kélishi jama'et arisida aq partiye hökümiti shangxey hemkarliq teshkilatigha yaxshichaq bolush üchün qérindishimizni bir töhmet bilenla xitaygha qayturmaqchi boluwatidu, deydighan gep-sözlerni keltürüp chiqardi. Yapchanning xitaygha qayturulmaqchi bolushidiki sewebler néme? hökümitingiz sherqiy türkistanda zulum we qetliyamgha uchrawatqan qérindashlirimizni qollashtin waz kechtimu? xitay hökümitidin silerge yapchanni qayturup bérish heqqide bir éniq telep kelgenmu?"

Gürsel tékin mektupida yene, Uyghurlarning heq-hoquqi üchün dunyaning hemme yéride dawa qiliwatqan rabiye qadir xanimning bolsa türkiyege kirgüzülmeywatqanliqinimu tilgha alghan we shundaqla yapchan xitaygha qayturup bérilgen teqdirde uning qéyin-qistaqqa we hayatiy xewpke uchrash éhtimalliqi barliqini eskertken.

Aldinqi küni türkiyediki yéngi shepeq géziti abduqadir yapchan xitaygha qayturulidu, dégen témida bir xewer élan qilghan bolsimu, emma xewerde buninggha bir éniq menbe körsitilmigen. Shundaqtimu bu xewer türkiyede we shundaqla dunyaning herqaysi jaylirida yashaydighan Uyghurlarni endishige saldi.

Bu heqtiki muhakimilerni programmilirimizning dawamida anglaysiler.

Toluq bet