Абидиләргә сир чачқан хитай аял сотқа тартилди

Мухбиримиз җүмә
2013.07.31

Вашингтон сақчи даирилириниң билдүрүшичә, америка пайтәхтидики муһим абидиләргә сир чечип бузғунчилиқ қилған җинайәт гумандари дүшәнбә күни қолға елинған.

Қизиқ йери, бу гумандар хитайдин келип сүрүки өтүп кәткән виза билән америкида туруватқан тйән җямеи исимлик хитай аял икән.

58 яшлиқ бу аял дүшәнбә күни вашингтондики дөләтлик чоң черкав-кафедралдики һәйкәл вә чалғуларға сир чечиватқанда қолға чүшкән.

У, сәйшәнбә күни сотқа тартилған болуп, сотчи уни шәртсиз тутуп турулушқа буйруған. Бу хитай аялға шәхсий мал-мүлүккә бузғунчилиқ қилиш җинайити артилған болсиму, қандақ җаза берилгәнлики һазирчә намәлум.

Бундин бир нәччә күн илгири америка пайтәхти вашингтондики линколин хатирә сарийи қатарлиқ орунларниң йешил сир билән булиғанлиқи хәвәр қилинған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.