Adwokat shü wénséng 10 - iyul adwokatlarni tutqun qilish weqesini tekshürüshni telep qildi

Muxbirimiz méhriban
2015-07-31
Élxet
Pikir
Share
Print


31 - Iyul jüme küni béyjingliq adwokat shü wénséng, xitay xelq qurultiyi, siyasiy kéngishi, dölet ishliri kabénti, yuqiri xelq teptish mehkimisi qatarliq orunlargha torda ochuq xet élan qilip, 10 - iyul adwokatlarni tutqun qilish weqesini tekshürüshni telep qildi.

Ki'ishilik hoquq tor békitining 31 - iyuldiki xewiride déyilishiche, adwokat shü wénséng ochuq xétide, xitay jama'et xewepsizlik ministirliqining pütün memliket boyiche kishilik hoquq adwokatlirini keng - kölemde tutqun qilish herikitini eyibligen. U mundaq dégen: "J x ministirliqi 9 - iyul kéchide bashlighan pütün memliket boyiche adwokatlarni keng - kölemde tutqun qilish herikitide 10 - iyul etigen'giche 100din artuq adwokatni birla waqitta tutqun qildi. 10 Nechche kün ichidila 240 tin artuq adwokat tutqun qilinip soraq qilindi, 100 din artuq puqra saqchixanigha chaqirtilip soraq qilindi. Bu adwokatlarning tutqun qilinish sewebi éniqlanmay, ularning jinayiti sotta békitilmey turup, hökümet taratquliridin merkizi téliwiziye istansisi, xelq géziti qatarliqlar bu adwokatlarning atalmish "Jinayi jawabkarliqi"ni üstige alghanliqini keng teshwiq qildi. Men öz namimdin bu xetni élan qilip, hökümet orunlirining 10 - iyul adwokatlarni tutqun qilish weqesini tekshürüp bir terep qilishini telep qilimen."

Melum bolushiche, 7 - ayning axrighiche pütün xitay boyiche tutqun qilin'ghan kishilik hoquq adwokatliri 240 tin ashqan. Xelq'ara kishilik hoquq teshkilatliri we gherb démokratik döletliri bu qilmishni eyiblep,xitay da'irilirini bu adwokatlarni we tutqun qilin'ghan kishilik hoquq pa'aliyetchilirini qoyup bérishke chaqirghan bolsimu, emma xitayning hökümet taratquliri maqale élan qilip "Amérika qatarliq gherb döletliri kishilik hoquq mesilisini destek qilip, junggoning ichki ishlirigha qopalliq bilen arilashti" dep eyibligen idi.

Toluq bet