Xitay hökümitining “Qishliq yardem buyumliri” afghanistan'gha toshulushqa bashlidi

Muxbirimiz eziz
2021.11.24

Amérika armiyesi chékinip chiqqandin kéyin, afghanistan weziyitide körülgen bir zor özgirish xitay hökümitining bu rayon'gha siqilip kirishi bolghan idi. Yéqinda xitay hökümitining afghanistan xelqige “Qishliq yardem” üchün teyyarlighan buyumlirini afghanistan'gha toshulushqa bashlighanliqi élan qilindi.

Xitay hökümiti bashqurishidiki “Xitay xewer tori” ning 24-noyabirdiki xewiride éytilishiche, xitay tashqi ishlar ministirlikining bayanatchisi jaw lijyen 22-noyabirdiki muxbirlarni kütüwélish yighinida: “Dölitimizning afghanistan xelqige ewetken yardem buyumliri bésilghan üchinchi yük poyézi yolgha chiqti” dégen. Xewerde bu “Yardem buyumliri” ning qishliq kiyim-kéchek, gilem we kigiz, nan we süt talqini qatarliq nersiler ikenliki éytilidu. Jaw lijyen bu heqte söz qilip: “Afghanistan xelqi eng éghir künlerni bashtin kechüriwatqanda, biz ulargha insanperwerlik yardimi qiliwatimiz” dégen.

Halbuki, bir qisim xelq'araliq munasiwet mutexessisliri xitay hökümitini “Amérika bu jaydin chékinip chiqqandin kéyin uning ornini igileshke urunmaqta” dep qarawatqanliqi melum. Yene kélip yéqinda xitay hökümitining Uyghur diyaridiki Uyghur nawaylarni pütünley bir jaygha toplap, ularni milyonlap nan yéqishqa teshkillewatqanliqi, bu nanlarning ottura asiya we xitay ölkilirige yötkiliwatqanliqi heqqide uchurlar melum bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.