Хитай армийиси афғанистанда чарлаш елип барғанлиқи һәққидики хәвәрни инкар қилға

Мухбиримиз ирадә
2016-12-01
Share

Ройтерс агентлиқиниң хәвәр қилишичә, йеқинда һиндистанниң WION намлиқ бир хәвәр тори бир парчә рәсимлик хәвәр тарқитип, афғанистанниң шәрқий шималий қисмиға тоғра келидиған вә шундақла уйғур дияри билән чегрилинидиған кичик памир районида хитай хәвпсизлик қисимлириниң чарлаш елип бериватқан болуши мумкинликини илгири сүргән. Буниң билән, хитай мудапиә министирлиқи чаршәнбә күни баянат берип, хәвәрниң пакитқа уйғун әмәсликини билдүргән.

Бирақ, хитай мудапиә министирлиқи баянатчиси яң йүҗүн сөзидә йәнә, хитай-афғанистан икки тәрәпниң терролуққа вә чегра һалқиған җинайәтләргә қарши ортақ күрәш қилидиғанлиқини, йеқинқи йиллардин буян икки тәрәпниң чегра мудапиә һәмкарлиқини күчәйтиш һәққидики келишимлиригә асасән бир қисим һәрикәтләрни елип барғанлиқини билдүргән болсиму әмма ениқ деталлири үстидә тохталмиған.

Мәлум болушичә, бу хәвәрни афғанистан һөкүмитиму охшашла инкар қилған.

Ройтерс агентлиқи хәвиридә, хитай һөкүмитиниң афғанистандики муқимсизлиқниң өзиниң чегра райони вә уйғур мусулманлириниң юрти болған шинҗаңға тәсир көрситишидин қаттиқ әндишә қилип кәлгәнликини әскәрткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт