Eydiz afriqa ösmürlirining jénigha eng köp zamin boluwatqan késelge aylan'ghan

Muxbirimiz jüme
2015-11-28
Share

Xewerlerge qarighanda, nöwette eydiz afriqidiki ösmürlerning jénigha eng köp zamin boluwatqan késelge aylan'ghan.

B d t balilar fondi jem'iyitining jüme küni bildürüshiche, nöwette afriqida eydiz bilen ölüp kétidighan 10 yashtin 19 yashqiche bolghan balilarning sani 2000 - yildikige qarighanda 3 hesse köpeygen.

B d t balilar fondi jem'iyiti eydiz bölümi diréktori kreyg mékluré eydiz wirusi bilen tughulghan balilarning ösmürlük dewrige qedem qoyghanda dawalash yéterlik bolmighanliqi üchün ölüp kétiwatqanliqini bildürgen.

Melum bolushiche, afriqida eydiz bilen tughulmighan balilarmu xewp astida bolup, ular ösmürlük we yashliq dewrige qedem qoyghanda eydiz bilen yuqumlinish xetirige yoluqidiken.

Nöwette afriqa qit'eside 15 yashtin 19 yashqiche bolghan yashlardin her sa'ette 26 si eydiz bilen yuqumlinidiken. Bularning 70 pirsentini qizlar igileydiken.

Buning arqisida jinsiy saghlamliq terbiyesi bérilmeslik we kichik toy qilish qatarliq seweblermu bar iken.

Nöwette yashlarning eydiz bilen yuqumlinip qélish hadisilirining 60 pirsenti sehrayi kebirning töwen teripidiki döletlerde körülidighan bolsa, amérika, hindistan, hindonéziye we biraziliye qatarliq ellerde ösmürlerning eydiz bilen yuqumlinish hadisisi jiddiy örlimekte iken.

24 - Noyabir Uyghur aptonom rayonluq sehiye da'iriliri élan qilghan yéngi statistikida, bu yil öktebirning axirighiche Uyghur élide bayqalghan eydiz yuqumdariliri we eydiz bimarlirining omumiy sani 38 ming 283 ke yetkenliki körsitilgen.

Uningda yene bu yil Uyghur élide eydizning tarqilish sür'itimu bir qeder téz bolghanliqi, peqet aldinqi 10 ay ichidila 3 ming 890 neper yéngi eydiz yuqumdari bayqalghanliqi tekitlen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet