Xitaydiki "Alametsiz bimarlar" ning yéngi yuqum menbesi bolushi algha sürülmekte

Muxbirimiz eziz
2020-03-31
Share

Tajsiman wirusi dunyawi wabagha aylinip shiddet bilen yamrawatqanda wirus bashlan'ghan xitayning tedrijiy halda wirustin bolghan ölüm-yitim we yuqum ehwalida "Yaxshilinish" qa yüzlinishi nurghunlighan gumanlarni qozghimaqta. Emma hazir hemmidinmu bekrek kishilerning diqqitini qozghawatqini xitayning tajsiman wirusni kontrol qilghanliqining rast-yalghanliqi emes, belki tajsiman wirusning deslepki alametliri bolmighan xitaydiki sabiq bimarlar bolmaqta.

Roytérs agéntliqining 30-marttiki xewiride éytilishiche, xitay hökümiti nöwette sabiq tajsiman wirus bimarlirigha uqturush qilip, ularda gerche héchqandaq "Deslepki alamet" körülmigen bolsimu ularning 14 kün karantin qilishi lazimliqini éytqan. Shu jaydiki sehiye ishlirigha mes'ul bir emeldar bolsa "Chong quruqluqta aldimizdiki besh kün ichide yuqumning bir yéngi pellisi körülüsh aldida turmaqta," dégen.

Xewerlerde éytilishiche, xitay hökümiti özlirining tajsiman wirusni toluq kontrol qilghanliqini jakarlighan. Emma közetküchiler xitay hökümitining deslepki mezgillerdiki wirus ehwalini dunyadin yoshurush we kéyinki waqitlardiki ölüm-yitim weqeliri heqqide söz qilghanlarning "Awazini öchürüsh" qilmishlirini nezerge alghan halda xitay hökümitining téxi dunyada héchkim kontrol qilalmaywatqan wirusni "Yenggenliki" ge guman bilen qarimaqta iken.

Xitay hökümitining "Tajsiman wirusi yoqaldi" dégendek teshwiqatlirigha ishen'gen zor bir türkümdiki xitay muhajirliri xitaygha qaytip kelgendin kéyin ularning ichide zor sandiki wirus yuqumdarlirining barliqi melum bolghan idi. Emdilikte bolsa xitay hökümiti bu wirusning yéqin kelgüside körülüsh éhtimali bolghan ikkinchi qétimliq dolqunidin wayim yéyishke bashlimaqta iken.

Xewerde éytilishiche, xitay hökümiti bu wirusning ikkinchi qétimliq dolqunigha taqabil turush üchün yilda bir qétim élinidighan aliy mektepke kirish imtihanini iyul éyigha kéchiktürgen. Dunya sehiye teshkilatining xadimi tarik yasaréwich xitay hökümitining sheherlerdiki qamal we cheklime tedbirlirini bekla baldur bikar qiliwétish hadisisini tenqidlep: "Xitay üchün emdi yéngidin otturigha chiqidighan bu bimarlarni qandaq bir yaqliq qilish bir chong mesile bolup qalidu," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet