Юртиға қайтқан али мәктәп оқуғучилирниң лексийә сөзләш паалийәтлири давамлашмақта

“юртиға қайтқан түмәнмиң оқуғучиниң сәйярә нотуқ сөзләш паалийити” дәп һөкүмәт тәрипидин нам берилгән, язлиқ тәтил қилиш үчүн өйлиригә қайтип кәлгән али мәктәп оқуғучилирини һәрқайси йеза - базар, мәйдан вә коча башқармилирида нутуқ сөзләшкә тәшкилләш паалийити 20 күндин буян һәр қайси җайларда давамлашмақта.

Хәлқ ториниң 30 - июл күни хәвәр қилишичә, мәзкур программа бойичә ақсу маарип комитети вә хизмәт гурупписи ақсу шәһириниң һәрқайси йеза - базар, мәйдан вә коча башқармилирида, 10 - июлдин башлап бу хил паалийәтләрни давамлаштуруп кәлмәктә.

“җуңго тори”ниң 16 - июлдики хәвиридә ейтилишичә, қизилсу қирғиз аптоном областидиму бу паалийәт күчәйтилгән болуп, һәр қайси хизмәт гуруппилири һәр җайлардики аилиләргә кирип, аилисигә қайтип кәлгән оқуғучиларниң аилә әһвали вә ипадиси һәққидә учур игиләш, тизимлаш һәм бу оқуғучилар билән сөһбәтлишип уларниң әһвалини игиләш ишлири елип барған. Даириләр, мәзкур оқуғучиларниң хитай тили билиш, шу җайниң әһвалини билиш, амминиң әһвали билән тонуш болуш қатарлиқ алаһидиликлиридин пайдилинип, уларни йеза,мәһәллиләрдики аммиға нутуқ сөзләшкә тәшкилләш хизмити елип барған иди.

Хәлқ ториниң хәвридин мәлум болушичә, ақсудики аилисигә қайтқан оқуғучиларни сәйярә нотуқ сөзләшкә тәшкилләш паалийитиниң мәқсити хитай компартийиси вә дөләтниң “шинҗаңни йөләш сияситини, партийиниң ғәмхорлуқи вә дөләтниң қоллишини зор күч билән тәшвиқ қилиш, диний әсәбийликни түгитиш қатарлиқ мәзмунларни кәң көләмдә тәшвиқ қилиш”арқилиқ вәтән бирлики вә милләтләр иттипақлиқини күчәйтиш икән.