Ақсарай әмәлдари, камала харрисниң асия зиярити американиң бу районда “қалидиғанлиқи” ни ипадилайду, дигән

Америкиниң муавин президенти камала һаррис 22-авғусттин башлап шәрқий-җәнубий асиядики вейтнам, сингапор қатарлиқ дөләтләрни зиярәт қилип, американиң бу райондин чиқип кәтмәйдиғанлиқини ипадиләйкән.

Ройтерс ‍агентлиқиниң хәвәр қилишичә, ақсарайниң бир әмәлдари камала һаррисниң зиярити американиң мәзкур райондин чиқип кәтмәйдиғанлиқи, униң бу районда қалидиғанлиқини намайән қилидиғанлиқини билдүргән. Камала һаррисниң зиярити американиң афғанистандин чекинип чиқип, һакимийәтни талибанлар ‍игилигән бир вақитқа тоғра кәлгән.

Американиң ‍афғанистандин әскәр чекиндүрүш җәрянида йүз бәргән қалаймиқанчилиқ хитай һөкүмити вә хитай таратқулириниң америкаға һуҗум қилип, униң “ишәнчилик ортақ” әмәсликини тәшвиқ қилиши үчүн баһанә болуп бәргән иди. Ройтерс агентлиқиниң хәвиридә ейтилишичә, ақсарайниң юқириқи әмәлдари камала һаррисниң шәрқий-җәнубий асия зиярити шәрқий вә җәнубий деңизда хәлқара қаидә-түзүмләрни қоғдаш, американиң райондики рәһбәрликини күчәйтиш, райондики дөләтләр билән болған бихәтәрлик һәмкарлиқини кеңәйтиш қатарлиқ мәсилиләргә мәркәзлишидиғанлиқини ейтқан.

Бу әмәлдар йәнә “бизниң бу районға мәңгүлүк бир вәдимиз барлиқи, бизниң һинди-тинч ‍окянниң бир парчиси икәнликимиз вә бу районда қалидиғанлиқимиз ениқ муәйәнләштүрүлиду,” дигән. Камала һаррис байден һөкүмити бу йил 1-айда һоқуқни өткүзивелип, американиң хитайға қарши бу райондики иттипақдаш дөләтләр билән болған мунасивәтни күчәйтидиғанлиқини елан қилғандин бери, мәзкур районни зиярәт қилған тунҗи алий дәриҗилик америка әмәлдари һесаблиниду.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар