Aqsaray emeldari, kamala xarrisning asiya ziyariti amérikaning bu rayonda "Qalidighanliqi" ni ipadilaydu, digen

Muxbirimiz erkin
2021-08-20
Share

Amérikining mu'awin prézidénti kamala harris 22-awghusttin bashlap sherqiy-jenubiy asiyadiki wéytnam, sin'gapor qatarliq döletlerni ziyaret qilip, amérikaning bu rayondin chiqip ketmeydighanliqini ipadileyken.

Roytérs ‍agéntliqining xewer qilishiche, aqsarayning bir emeldari kamala harrisning ziyariti amérikaning mezkur rayondin chiqip ketmeydighanliqi, uning bu rayonda qalidighanliqini namayen qilidighanliqini bildürgen. Kamala harrisning ziyariti amérikaning afghanistandin chékinip chiqip, hakimiyetni talibanlar ‍igiligen bir waqitqa toghra kelgen.

Amérikaning ‍afghanistandin esker chékindürüsh jeryanida yüz bergen qalaymiqanchiliq xitay hökümiti we xitay taratqulirining amérikagha hujum qilip, uning "Ishenchilik ortaq" emeslikini teshwiq qilishi üchün bahane bolup bergen idi. Roytérs agéntliqining xewiride éytilishiche, aqsarayning yuqiriqi emeldari kamala harrisning sherqiy-jenubiy asiya ziyariti sherqiy we jenubiy déngizda xelq'ara qa'ide-tüzümlerni qoghdash, amérikaning rayondiki rehberlikini kücheytish, rayondiki döletler bilen bolghan bixeterlik hemkarliqini kéngeytish qatarliq mesililerge merkezlishidighanliqini éytqan.

Bu emeldar yene "Bizning bu rayon'gha menggülük bir wedimiz barliqi, bizning hindi-tinch ‍okyanning bir parchisi ikenlikimiz we bu rayonda qalidighanliqimiz éniq mu'eyenleshtürülidu," digen. Kamala harris baydén hökümiti bu yil 1-ayda hoquqni ötküziwélip, amérikaning xitaygha qarshi bu rayondiki ittipaqdash döletler bilen bolghan munasiwetni kücheytidighanliqini élan qilghandin béri, mezkur rayonni ziyaret qilghan tunji aliy derijilik amérika emeldari hésablinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet