Америка армийәсиниң тинч окян қомандани хитайға тақабил туруш үчүн мәбләғни өстүрүшни тәләп қилған

Мухбиримиз ирадә
2019-04-18
Елхәт
Пикир
Share
Принт

Америка армийәси тинч окян қоманданлиқ штабиниң адмирали фил давидсон америка армийәсиниң хитайға тақабил туруш иқтидарини ашуруш үчүн мәбләғни көпәйтип беришни тәләп қилған.

«Вол-ситрит журнили» ниң бу һәқтики хәвиригә қариғанда, адмирал фил давидсон америка дөләт мәҗлиси һәрбий ишлар комитетиға мәхсус мәктуп йоллап, дөләт мәҗлиси тәрипидин тинч окян қоманданлиқ қисимлири үчүн аҗритилған 2020-йиллиқ мәбләғиниң бейҗиңға тақабил турушта йетәрлик әмәсликини билдүргән.

У мәктупида болупму америка тинч окян қисимлириниң деңиздики җиддий әһвалларға тақабил туруш, мудапийә хизмәтлири вә райондики шерик дөләтләрни җиддий ярдәм билән тәминләш қатарлиқ саһәләрдики мәблиғини җиддий толуқлашни тәләп қилған.

«Вол-сирит журнили» ниң баян қилишичә, юқириқи мәктуп америка армийәсиниң хитайниң җәнубий деңиздики зорийиватқан кеңәймичилики вә муштумзорлуқиға болған диққитиниң күчийиватқанлиқини ипадиләп беридикән.

Америка ташқи ишлар министири майк помпейо алдинқи айда филиппиндики зиярити мәзгилидә қилған сөзидә американиң җәнубий деңизниң хәлқараға очуқ болушиға капаләтлик қилидиғанлиқини, хитайниң буниңға тосалғу болушиға йол қоймайдиғанлиқини билдүргән иди.

Пикирләр (0)
Share
Толуқ бәт