Amérika armiyesining tinch okyan qomandani xitaygha taqabil turush üchün mebleghni östürüshni telep qilghan

Muxbirimiz irade
2019-04-18
Share

Amérika armiyesi tinch okyan qomandanliq shtabining admirali fil dawidson amérika armiyesining xitaygha taqabil turush iqtidarini ashurush üchün mebleghni köpeytip bérishni telep qilghan.

“Wol-sitrit zhurnili” ning bu heqtiki xewirige qarighanda, admiral fil dawidson amérika dölet mejlisi herbiy ishlar komitétigha mexsus mektup yollap, dölet mejlisi teripidin tinch okyan qomandanliq qisimliri üchün ajritilghan 2020-yilliq mebleghining béyjinggha taqabil turushta yéterlik emeslikini bildürgen.

U mektupida bolupmu amérika tinch okyan qisimlirining déngizdiki jiddiy ehwallargha taqabil turush, mudapiye xizmetliri we rayondiki shérik döletlerni jiddiy yardem bilen teminlesh qatarliq sahelerdiki meblighini jiddiy toluqlashni telep qilghan.

“Wol-sirit zhurnili” ning bayan qilishiche, yuqiriqi mektup amérika armiyesining xitayning jenubiy déngizdiki zoriyiwatqan kéngeymichiliki we mushtumzorluqigha bolghan diqqitining küchiyiwatqanliqini ipadilep béridiken.

Amérika tashqi ishlar ministiri mayk pompéyo aldinqi ayda filippindiki ziyariti mezgilide qilghan sözide amérikaning jenubiy déngizning xelq'aragha ochuq bolushigha kapaletlik qilidighanliqini, xitayning buninggha tosalghu bolushigha yol qoymaydighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet