Amérika bilen hindistan qoral-yaraq mesiliside hemkarlashmaqta

Muxbirimiz eziz
2023.02.01

Yéqinda amérika hökümiti hindistan bilen bolghan hemkarliqni kücheytip herbiy qoral-yaraq, yérim ötküzgüch özek we teqlidiy eqil qatarliq sahelerde xitaygha qarshi riqabetni shekillendürgen. Bu ehwal del amérika prézidénti jow baydén nöwette ümid qiliwatqan ishlar qataridin orun alghan.

Roytérs agéntliqining 31-yanwardiki xewiride éytilishiche, aqsaray téximu köp gherb köchme téléfon torining hindistanda ishqa kirishtürülüshini, shu arqiliq xitaydiki xu'awéy guruhining monopolluqigha taqabil turushni közligen. Buning üchün baydin hökümiti hindistandin téximu köp sandiki özek (chip) mutexessislirining köchmen bolup kélishige hemde ikki terep karxaniliri arisida teqlidiy eqil sahesidiki téximu köp hemkarliqning barliqqa kélishige yol achidighanliqini bildürgen. Buning bilen komyutér mutexesislirige qoyulghan ilgiriki wiza cheklimisi bikar qilinidu, dep qarilishqa bashlighan.

Xewerde éytilishiche, amérika prézidénti jow baydénning dölet bixeterlik meslihetchisi jéyk sulliwan (Jake Sullivan) 1-féwralda hindistanning dölet bixeterlik meslihetchisi ajit dowal (Ajit Doval) bilen aq sarayda söhbetleshkende “Hazir xitay otturigha chiqiriwatqan eng chong xiris ularning iqtisadiy pa'aliyetliri hemde hujum xaraktérlik herbiy ighwagerchilikliri bolmaqta. Biz bu mesilide hindistan bilen zich hemkarlishimiz” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.