Америка таможна вә чегра идарисиниң башлиқи: “шинҗаң импорт мәһсулатлириниң чәклиниши көрүнәрлик яхши башлиниш болди”

Америка таможна вә чегра қоғдаш идарисиниң комиссари крис магнус, американиң бу йил 6-айдин башлап рәсмий йолға қоюлған “уйғур мәҗбурий әмгикиниң алдини елиш қануни”ниң ‍иҗра қилиниш әһвали һәққидә тохтилип, “шинҗаң импорт мәһсулатлириниң чәклиниши көрүнәрлик яхши башлиниш болғанлиқи”ни билдүргән. У йәнә ширкәтләрниң бу қанунға әмәл қилишиға ишәнч билән қарайдиғанлиқидин сигнал бәргән. “блумберг хәвәрлири” агентлиқиниң билдүрүшичә, крист магнус: “иҗраат җәрянида бәзи қийинчилиқлар болиду. Бирақ, мениңчә биз көрүнәрлик яхши бир башлиниш қилдуқ, дәп қараймән” дегән.

Крист магнус бу сөзләрни 21-өктәбир күни “блумберег хәвәрлири” агентлиқиниң зияритини қобул қилғанда ейтқан. Хитайниң уйғур мәҗбурий әмгикигә хатимә беришни мәқсәт қилған вә өткән йили 12-айда президнет байден тәрипидин тәстиқлинип, бу йил 6-айдин башлап рәсмий иҗра қилинишқа башлиған бу қанун, америка -хитай сода мунасивитини қайта шәкилландүриду, дәп қаралған иди. “блумберг хәвәрлири”ниң көрситишичә, крист магнус америка дөләт мәҗлисиниң һәр икки палатасида бирдәк аваз билән мақулланған бу қанун, америка хәлқиниң қоллишиға еришкәнликини тәкитлигән.

У мундақ дегән: “ахириқи һесабта бу америка хәлқиниң буни халаш-халимаслиқиға бағлиқ. Бу мәсилидә хәлқниң чүшәнчиси зор дәриҗидә йүксәлди… хәлқ мәҗбурии ‍әмгәктә ишләпчиқирилмиған мәһсулатларни  сетивелишни истәйду.”

Крист магнус бу қанунни ‍иҗра қилишта “көрүнәрлик яхши башлиниш болғанлиқи”ни билдүргән болсиму, бирақ кишилик һоқуқ тәшкилатлири америка таможна вә чегра қоғдаш идарисиниң сода санлиқ мәлуматида техиму очуқ -ашкара болушини тәләп қилмақта.

Мәлум болушичә, 21-өктәбир күни америка йешил тинчлиқ тәшкилати, кишилик һоқуқни көзитиш тәшкилати, америка уйғур җәмийити, дуня уйғур қурултийи қатарлиқ 40 тәк тәшкилат крист магнусқа хәт йезип, сода парахотлиридики малларниң санлиқ мәлуматини очуқ-ашкара елан қилиш “уйғур мәҗбурий әмгикиниң алдини елиш қануни”ни үнүмлүк иҗра қилиш үчүн интайин муһим икәнликини тәкитлигән.