Америкиға тор һуҗумлиридин келиватқан тәһдит зораймақта

Америка дөләт истихбарат идариси бүгүн елан қилған бир доклатида, америкиға келидиған әң зор хәвпниң интернет тор һуҗуми икәнликини билдүрди. Доклатта ейтилишичә, һәрқайси бузғунчи тәшкилатлар, тор җасуслири америкиниң дөләт органлири вә хусусий шеркәтлириниң учур сестимилириға һуҗум қилип, америкиниң иқтисадий бихәтәрлики вә шундақла хәвпсизликигә тәһдит пәйда қилған вә бу тәһдит барғанчә зораймақта икән.

Америка бу доклатида, хитай, русийә, иран вә шималий корийини интернет тор хәвпи келиватқан асаслиқ дөләтләр қатариға киргүзгән.

Доклатта тор һуҗумлиридин келидиған хәвпниң террорлуқтинму чоңлиқи тәкитләнгән.