Prézidént obama amérikining türkiyede yüz bergen herbiy özgirishke chétishliq ikenlikini ret qildi

Muxbirimiz erkin
2016.07.22
Share on WhatsApp
Share on WhatsApp

Amérika prézidénti obama jüme küni amérikining türkiyediki emelge ashmighan herbiy özgirishtin xewiri barliqi we uninggha chétishliq ikenlikini ret qildi. 15‏-Iyul türk armiyesi ichidiki bir qisim guruppilar herbiy özgirish qozghap meghlup bolghan, weqede 300 ge yéqin adem ölgen.

Türkiye hökümiti herbiy özgirishni armiye ichige yoshurunuwalghan gülenchilerning qozghighanliqini, uning yétekchisi amérikining pénsilwaniye shtatida turushluq nurchilar jama'iti rehbiri fetqullah gülen ikenlikini jakarlighan.

Türkiye jumhuriyiti yene resmiy qanallar arqiliq amérika hökümitidin fethullah gülenni türkiyege ötküzüp bérishni telep qilghan idi. Birleshme agéntliqining xewer qilishiche, prézidént obama amérikining herbiy özgirishtin burun xewiri barliqi heqqidiki yaki türkiye hökümitini qollaydighanliqidin bashqa herqandaq xewer “Pütünley xata” dégen.

Prézidént obamaning qeyt qilishiche, u buni prézidént erdoghan bilen bu hepte téléfonda sözleshkende uninggha éytqan. Obama yene, amérikining ötküzüp bérish qanuni resmiyiti barliqini, eger türkiye gülenni ötküzüwélishni istise, uning delil körsitishi kéreklikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.