Amérikidiki Uyghur jama'iti yéngi yilni birge kütüwaldi

Muxbirimiz ümidwar
2017.01.01


12-Ayning 31-küni amérika Uyghurliri birleshmisining teshkillishi bilen paytext washin'gton shehiri yénidiki falls church rayonigha jaylashqan bir méhmanxanining zalida Uyghurlar bir yerge jem bolup, yéngi yilni kütüwélish pa'aliyiti ötküzdi.

Washin'gton shehiri yénidiki wirginiye, mariland shtatliri we bashqa jaylardin kelgen bir qisim Uyghurlar, yeni balilar we yashlarni öz ichige alghan 200 din adem bir arigha jem bolup, öz milliy naxsha-muzikiliri, milliy ta'amliri we en'eniliridin huzurlan'ghan halda kona 2016-yilini uzutup, yéngi 2017-yilini kütüwalghan.

Murasim bashlinish bilen dunya Uyghur qurultiyining re'isi rabiye qadir xanim yéngi yilliq nutuq sözlep, pa'aliyetke qatnashqanlar we pütün Uyghur xelqining yéngi yilini tebriklidi shuningdek 2017-yilining Uyghurlar üchün zor netijiler qolgha kelgen bir yil bolushini tilidi.

Pa'aliyetke amérika Uyghurliri birleshmisining re'isi ilshat hesen qatarliq riyasetchilik qilghan bolup, pa'aliyet jeryanida Uyghur yashliri özliri teyyarlap kelgen her xil sen'et nomurliri we bashqa programmilar orundaldi.

Melumki, amérika Uyghurliri birleshmisi qurulghandin buyan her yili washin'gton etrapidiki Uyghur muhajirlirini bir arigha jem qilip, yéngi yil, qurban héyt, noruz we jumhuriyet pa'aliyetlirini ötküzüp kelmekte.

Yéqinqi bir qanche yil ichide amérikidiki, jümlidin washin'gton shehiri etrapidiki Uyghurlarning sanining téz köpiyishi netijiside, bu xil pa'aliyet mezmunlirimu béyimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.