Amérika awi'amatka zerbidar etriti jenubiy xitay déngizida heriket bashlighan
2023.01.18
Amérika tashqi ishlar ministiri antoni blinkénning 2-ayda bolidighan xitay ziyariti harpisida amérikaning “Nimitis” (Nimitz) awi'amatka zerbidar etriti jenubiy xitay déngizida heriket bashlighan.
“Amérika awazi” ning 18-yanwar küni xewer bérishiche, amérika hindi-tinch okyan qomandanliq shtabi “Nimitis” awi'amatkasi zerbidar etritining 12-yanwar künidin bashlap jenubiy déngizda heriket bashlighanliqini bildürgen. Bu, mezkur etretning 2023-yilliq pilan boyiche tunji qétim jenubiy xitay déngizida heriket qilishi hésablinidiken. Bu etret jenubiy xitay déngizida düshmen'ge zerbe bérish, su asti kémisige qayturma zerbe bérish, su yüzi we boshluqta birleshme jeng qilish meshiqliri élip baridiken. Bu meshiqler amérika déngiz armiyesining hindi-tinch okyan rayonida élip baridighan qerellik heriketlirining bir qismi iken.
Amérika hindi-tinch okyan qomandanliq shtabining bildürüshiche, bu awi'amatka zerbidar etritige yene bashqurulidighan bomba élip yüreleydighan okyan charlash paraxoti bilen üch dane qoghlighuchi paraxot we bir awi'amatka uchquchilar etriti hemrah bolidiken. Bu ghayet zor hujumchi etret asmandin déngizgha we déngizning astigha qeder keng da'iride hujum qozghash we hujumdin mudapi'e körüsh iqtidarigha ige iken. Bu etretning nöwettiki wezipisi déngizdin qanunluq paydilinish, échiwétilgen we erkin déngiz muhitini qoghdash, amérikaning ittipaqdashliri we hemkarlashquchiliri bilen birlikte xelq'ara tertipni qoghdash qatarliqlar iken.