Amérika xitaygha yenimu köp iqtisadiy jaza tedbirlirini élan qilmaqchi

Muxbirimiz irade
2018-03-20
Élxet
Pikir
Share
Print

Roytérs agéntliqining xewiridin qarighanda, amérika hökümiti xitaygha yene 60 milyard dollar qimmitidiki iqtisadiy jaza tedbiri élan qilidiken.

Qararning mushu jüme künigiche élan qilinidighanliqi mölcherlenmekte. Bu nöwet élan qilinidighan jaza tedbirliri asasliq téxnika, uchur - alaqe we eqliy mülük sahesige qaritilghan bolsimu, kiyim-kéchek, ayaq, kündilik boyum qatarliq 100 din oshuq türlergimu tesir körsitidiken.

Bügün, xitay bash ministiri li kéchyang buninggha inkas qayturup: "Amérikini héssiyat bilen ish qilmasliqqa we soda urushi qilmasliq" qa chaqirghan. U sözide, xitayning eqliy mülükni qet'iy qoghdaydighanliqi we chet'el meblighige téximu köp échilish üchün tirishidighanliqini bildürgen.

Emma firansiye agéntliqi öz xewiride, xitay hökümiti bundaq wedilerni köp qétim bergen bolsimu, biraq héchqachan bu wedilerning ishqa ashmighanliqini, hazirghiche amérika we yawropa karxanilirining bu heqtiki shikayetlirining ayaghlashmighanliqini bildürgen.

Melum bolushiche, ötken yili amérikining xitay bilen bolghan tijaritidiki qizil reqem 375 milyard dollargha yetken bolup, amérika hökümiti xitaygha bu reqemni azaytish heqqide bésim ishletken we deslepte xitayning alyomin we polat mehsulatlirigha qoyulidighan bajni ashurghan idi.

Toluq bet