Amérika jumhuriyetchiler partiyesining jenubiy déngiz, tibet, Uyghur mesilisige sehne yaritip bérishi xitayni qattiq epsuslandurghan

Muxbirimiz erkin
2016.07.22
Share on WhatsApp
Share on WhatsApp

Xitay tashqi ishlar ministirliqi peyshenbe küni bayanat élan qilip, amérika jumhuriyetchiler partiyesini uning partiye qurultiyida xitaygha qarshi “Asassiz tenqidler” ge sorun hazirlap bermeslikini telep qilghan.

Amérika axbarat wasitilirining qeyt qilishiche, jumhuriyetchiler partiyesining qurultiyida xitayning jenubiy déngizdiki igilik hoquq telipining eqilge sighmaydighanliqi, uning tibet we Uyghur rayonida “Medeniyet qirghinchiliqi” ni yolgha qoyghanliqi otturigha qoyulup, teywen'ge qoral-yaraq sétish wediside dawamliq ching turush tekitlen'gen.

Shinxu'a agéntliqining xewer qilishiche, xitay tashqi ishla ministirliqi peyshenbe küni élan qilghan bayanatida, jumhuriyetchiler partiyesining munbiride xitaygha qaritilghan “Teywen, tibet, soda, jenubiy déngiz qatarliq mesililerdiki tenqidler xitayning ichki ishlirigha arilashqanliq” dégen.
Xitay tashqi ishlar ministirliqi yene, “Biz alaqidar tereplerning xitaygha qaritilghan asassiz tenqidlerni derhal toxtitishini ümid qilimiz....” dep tekitligen.

Amérika jumhuriyetchiler partiyesining prézidént namzati donald tramp peyshenbe küni amérikining kliwéland shehiride échilghan qurultayda sözligen nutqida bu sözlerni qilmighan.

Emma u, xitayning “Insapsiz eqliy mülk oghriliqi”, “Qanunsiz tökme qilip sétish” herikiti we “Weyran qilghuchi pul kursi kontrolluqi” gha xatime béridighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.