Xitay amérikining tamozhna béji tedbirige qarshi tedbir qollanmaqchi boldi

Muxbirimiz eziz
2018-04-03
Share

Amérika hökümiti 8-mart küni xitaydin éksport qilinidighan polat we alyumin matériyallirigha tamozhna béji élishni qarar qilghandin kéyin xitay hökümiti 2-aprél küni özliriningmu buninggha jawaben tedbir qollinidighanliqini bildürgen.

Roytérsning 3-apréldiki xewirige qarighanda, xitay hökümiti amérikidin import qilinmaqchi bolghan üch milyard amérika dolliri qimmitidiki mehsulatqa 25 pirsentkiche tamozhna béji élishni oylishiwatqanliqini bildürgen. Melum bolushiche, bu mehsulatlar tonglitilghan choshqa göshi, türlük méghizlar, méwe-chéwe we haraq qatarliqlarni öz ichige alidiken.

Xewerde körsitilishiche, amérika hökümiti xitaydin import qilinidighan mehsulatlargha 60 milyard amérika dolliriliq tamozhna béji qoyushni oylishiwatqan bolup, aq sarayning bayanatchisi lindsay waltérs bu heqte söz qilip: "Amérikining barawerlik asasidiki éksport mehsulatlirini nishan qilishning ornigha xitay hökümiti özlirining adil bolmighan soda heriketlirini toxtitishni oylishishi lazim" dégen.

Xitay hökümitining bu heqtiki heriketliri xitay tewesidimu belgilik tesir qozghighan. Xitay soda ministirlikige qarashliq melum tetqiqat orginining xadimi wang xeylu bu heqte söz qilip: "Xitay hökümiti amérika bilen soda urushi qilishni xalimaydu. Emma bu urush partlisa uning bu urushqa qatnashmasliqqa ilaji yoq" dégen.

Melum bolushiche, xitay hökümiti özlirining soda urushidin perwayi pelek ikenlikini köp qétim pesh qilghan bolsimu, köp qétim aq sarayni bu heqtiki mesililerni söhbet arqiliq hel qilishqa chaqirip kelgen iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet