42 Тәшкилат америка авам палатасиниң уйғур қирғинчилиқи мәсилисини тездин һәл қилишини қоллиған

Уйғур кишилик һоқуқ қурулушиниң 19-май күнидики хәвиридин мәлум болушичә, бирләшкән дөләтләр тәшкилати кишилик һоқуқ алий мутәхәссислири ишханиси билән башқа 41 кишилик һоқуқ тәшкилати бүгүн бирләшмә баянат елан қилған болуп, америка дөләт мәҗлисидики икки партийәниң дәрһал һәрикәт қоллинип, хитайниң уйғурларға йүргүзүп келиватқан җинайитини бирдәк һалда ирқий қирғинчилиқ дәп етирап қилишини қоллайдиғанлиқини билдүргән. 42 Тәшкилат америка дөләт мәҗлиси авам палата башлиқи нәнси пелосиға мәктуп йоллап, уларниң мәзкур қанун лайиһәсини тездин мақуллишини қоллайдиғанлиқини билдүргән.

Уйғур кишилик һоқуқ қурулушиниң мудири өмәр қанат бу һәқтә мундақ дегән: “уйғурлар өткән 3 йилда бирләшкән дөләтләр тәшкилатини җиддий һәрикәт қоллинишқа чақирип кәлди. Мән америка авам палата әзаси майкол микол вә ташқи ишлар комитети рәиси мекисниң дөләт мәҗлисидики сәпәрвәрликигә рәһмәт ейтимән”.

Бу қанун лайиһәсидики қарарда америка президентиниң пикир баян қилиш һоқуқи, беләт ташлаш һоқуқи вә тәсир күчидин пайдилинип, хитайдики ирқий қирғинчилиқ вә инсанийәткә қарши җинайәтни бирләшкән дөләтләр тәшкилатиниң тәкшүрүшигә сунуши керәклики чақириқ қилинған. Әң муһими, мәзкур қарар президент җов байдендин американиң б д т да турушлуқ әлчиликини һәрикәткә кәлтүрүп, б д т бихәтәрлик кеңишигә ирқий қирғинчилиқ вә инсанийәткә қарши җинайәт әһвали тоғрулуқ доклат сунуш вә хитайни башламчилиқ билән көп тәрәптин җазалашқа буйрушни тәләп қилидикән. Шундақ болғанда, хитайниң бу җинайәттин қолини тартиши вә хәлқараға һесаб бериши күнтәртипкә келәләйдикән.