42 Teshkilat amérika awam palatasining Uyghur qirghinchiliqi mesilisini tézdin hel qilishini qollighan

Muxbirimiz jewlan
2021-05-19
Share

Uyghur kishilik hoquq qurulushining 19-may künidiki xewiridin melum bolushiche, birleshken döletler teshkilati kishilik hoquq aliy mutexessisliri ishxanisi bilen bashqa 41 kishilik hoquq teshkilati bügün birleshme bayanat élan qilghan bolup, amérika dölet mejlisidiki ikki partiyening derhal heriket qollinip, xitayning Uyghurlargha yürgüzüp kéliwatqan jinayitini birdek halda irqiy qirghinchiliq dep étirap qilishini qollaydighanliqini bildürgen. 42 Teshkilat amérika dölet mejlisi awam palata bashliqi nensi pélosigha mektup yollap, ularning mezkur qanun layihesini tézdin maqullishini qollaydighanliqini bildürgen.

Uyghur kishilik hoquq qurulushining mudiri ömer qanat bu heqte mundaq dégen: "Uyghurlar ötken 3 yilda birleshken döletler teshkilatini jiddiy heriket qollinishqa chaqirip keldi. Men amérika awam palata ezasi maykol mikol we tashqi ishlar komitéti re'isi mékisning dölet mejlisidiki seperwerlikige rehmet éytimen".

Bu qanun layihesidiki qararda amérika prézidéntining pikir bayan qilish hoquqi, bélet tashlash hoquqi we tesir küchidin paydilinip, xitaydiki irqiy qirghinchiliq we insaniyetke qarshi jinayetni birleshken döletler teshkilatining tekshürüshige sunushi kérekliki chaqiriq qilin'ghan. Eng muhimi, mezkur qarar prézidént jow baydéndin amérikaning b d t da turushluq elchilikini heriketke keltürüp, b d t bixeterlik kéngishige irqiy qirghinchiliq we insaniyetke qarshi jinayet ehwali toghruluq doklat sunush we xitayni bashlamchiliq bilen köp tereptin jazalashqa buyrushni telep qilidiken. Shundaq bolghanda, xitayning bu jinayettin qolini tartishi we xelq'aragha hésab bérishi küntertipke kéleleydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet