Tashqi ishlar ministirliqi: xitay hökümitining Uyghurlarni térrorluqqa baghlishi asassiz

24-Iyun tashqi ishlar ministirliqi térrorluqqa qarshi turush komitéti “2019-Yilliq térrorluqqa qarshi turush doklati” élan qildi. Tashqi ishlar ministiri mayk pompéyo we bash'elchi neysin seylis dunya miqyasidiki térrorluqqa qarshi turush ehwalliridin doklat berdi.

Doklatta xitay hökümitining térrorluqqa qarshi turush bahanisi bilen Uyghur qatarliq musulman xelqini qattiq nazaret qilish, basturush qatarliq usullar arqiliq kishilik hoquqni depsende qiliwatqanliqi qattiq eyiblendi.

Doklatta yene xitay hökümitining pakitsiz, asassiz halda atalmish “Sherqiy türkistan islam heriki” teshkilati we “Üch xil küch” lerge qarshi turushni bahane qilip, bir milyondin artuq Uyghur, qazaq qatarliq musulmanlarni yighiwélish lagérlirigha solap qoyghanliqini alahide eskertilgen.

Amérika tashqi ishlar ministirliqi we ministir pompéyo xitayning Uyghur we bashqa musulman milletlirini lagérgha qamap, ularni diniy étiqadi, milliy kimliki we medeniyitidin waz kechküzüshke urunushtek éghir kishilik hoquq depsendichiliki sadir qilghanliqini ichil eyiblep kelgenidi.