Америка авам палатасиниң икки әзаси уйғур кимликини қоғдаш қанун лайиһәси сунған

Мухбиримиз әркин
2021-07-30
Share

Америка авам палатасиниң җумһурийәтчи вә демократлардин болған икки әзаси уйғур кимликини қоғдаш тоғрисида партийә һалқиған йеңи бир қанун лайиһәси сунған. Мәлум болушичә, қанун лайиһәсидә "шинҗаң уйғур аптоном районидики уйғур вә башқа етник гуруппиларниң пәрқлиқ кимликини қоғдаш, кишилик һоқуқини қоллаш" тәләп қилинған. Қанун лайиһәсини җумһурийәтчи авам палата әзаси йоң ким билән демократик авам палата әзаси ами бера сунған.

"уйғур сиясити қануни-2021" намлиқ бу қанун лайиһәсидә, уйғурларниң зиянкәшликкә учришиға қарита хәлқараниң сәзгүрлүкини күчәйтиш, ташқи ишлар министирлиқиға ш у а р дики кишилик һоқуқ хирисиға үнүмлүк тақабил туруш һоқуқи бериш шундақла хитайниң уйғурларниң авазини җимиқтурушиға қарши турушниң әтраплиқ вә көп тәрәплик истратегийәси ‍оттуриға қоюлған.

Йоң ким 29-июл елан қилған бу һәқтики баянатида, "мән рәис бера билән уйғур сиясити қануни-2021 ға риясәтчилик қилип, американиң хитай хәлқ җумһурийитиниң ғәйрий инсани муамилисигә учриған уйғур вә башқа гуруппиларниң негизлик кишилик һоқуқини қоллиши ‍үчүн конкрет қәдәмләрни бесшиға түрткә болуштин пәхирлинимән" дегән.

Авам палата ‍әзаси ами бераниң ейтишичә, бу қанун лайиһиси "уйғурлар мәсилисидә органлар арисидики һәмкарлиққа капаләтлик қилип, ташқи ишлар министирлиқиниң мәбләғни бу кризисқа үнүмлүк тақабил туруш үчүн ишлитишигә капаләтлик қилиш арқилиқ американиң бу вәһшийликкә қарита ‍инкас қайтурушини күчәйтидикән".

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт