Amérikigha qarshi tehdit tizimlikide rusiye emes, xitay yenila aldinqi orunda turmaqta

Washin'gtondin muxbirimiz uyghar teyyarlidi
2024.03.20

“Amérika awazi” (VOA) ning 2024-yili 3-ayning 20 künidiki xewirige asaslan'ghanda, amérika dölet mudapi'e ministirliqi hindi-tinch okyan bixeterlik ishlirigha mes'ul mu'awin katip éli ratnér (Ely Ratner) amérikigha qarshi tehdit tizimlikide rusiyeni emes, xitayni aldinqi orunda qoyghan. U xitayning eng chong tehdit ikenlikini bildürüp: “Rusiyening ukra'inadiki urushi amérikagha xeter élip kélidu, lékin xitay amérikaning bixeterlikige uzun muddetlik éghir tehdit élip kélidu” dégen.

Éli ratnér charshenbe küni amérika awam palatasida hindi-tinch okyan rayonidiki xewpsizlik tehditi toghrisidiki ispat anglash yighinida mundaq dégen: “Xitay bizning bixeterlikimizge keng kölemlik hem éghir xiris peyda qiliwatidu. Xitay amérikining hindi-tinch okyan rayonidiki mewjutluqi we tesirini yoqitish iqtidarigha ige birdinbir dölet. Xitay teywen boghuzida, jenubiy we sherqiy déngiz rayonlirida düshmenlik pa'aliyetlirini kücheytiwatidu. ”

 Buningdin bashqa, amérika dölet mudapi'e ministirliqining yilliq doklatida xitayning herbiy küchi heqqide melumat bérilip, “Xitayning yadro qoral ambiri (zapas küchi) mölcherdikidin téz ashti, xitay hökümiti yadro küchini téximu kéngeytish üchün kéreklik ul eslihe berpa qilmaqta” déyilgen.

 Éli ratnér guwahliq sözide yene, amérika dölet mudapi'e ministirliqi otturigha qoyghan 2025-yilliq xamchotta hawa, déngiz we déngiz asti énérgiyesige meblegh sélish, xitay armiyesining zamaniwilishish tereqqiyatini közde tutup amérikining yadro küchi'ini zamaniwilashturushning aldinqi orun'gha qoyulghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.