Сабиқ бирма диктатори аң саң сучини қоллайдиғанлиқини билдүрди
Бирма армийәсиниң сабиқ баш қомандани таншве өзиниң илгирики узун йиллиқ рәқиби аң саң сучини қоллайдиғанлиқини билдүрүш билән биргә уни бирманиң "кәлгүсидики даһийси" дәп атиған.
Ройтерс агентлиқиниң бу һәқтики хәвиридә ейтилишичә, мәзкур сабиқ баш қомандани өзиниң аң саң сучини қоллайдиғанлиқини билдүргән болуп, бу учур униң нәвриси найшве тәрипидин ахбаратқа ашкариланған.
Хәвәр қилинишичә, аң саң сучи ханим 5 - декабир күни сабиқ бирма армийәсиниң 1992 - 2011 - йиллри арисидики баш қомандани, йәни бирманиң сабиқ һәрбий һөкүмрани, әмма һазир йәнила тәсир күчкә игә шәхс таншве билән мәхпий учришиш өткүзгән.
Аң саң чи рәһбәрликидики пүтүн мәмликәтлик демократийә иттипақи 10 - айдики парламент сайлимида ғәлибә қилған болуп, нөвәттә бирмада йеңи парламент иш башлаш вә арқидин президент сайлаш күтүп турулмақта иди.
Парламент сайлимидики ғәлибәдин кейин, узун йиллар бирманиң демократийәлишиши үчүн күрәш қилип, нобел тинчлиқ мукапатиға еришкән аң саң шучи ханимниң кәлгүсидә дөләткә рәһбәрлик қилиш салаһийитигә әришиш яки еришәлмәслик мәсилиси мәйданға чиқти.
Б б с агентлиқиниң учурида ейтилишичичә, бирма асасий қануни бойичә аң саң сучиниң пәрзәнти чәтәл пуқраси болғанлиқи үчүн бу, униң президент болушиға тосқунлуқ қилидикән.
- Сүбһи мәмәт: "кишәнләнгән киши мениң дадам"
- Японийәдин қайтқан тәтқиқатчи меһриай әркинниң қәшқәр янбулақ қамақханисида җан үзгәнлики айдиңлашти
- Рабийә қадир ханимниң сиңлиси арзугүл қадирниң лагердин чиқип җан үзгәнлики дәлилләнди
- Түркийәдә корона вирусидин юқумланған уйғурларниң сани 3 миңға, қаза тапқанларниң сани 30 ға йәтти
- Хитай роза һейт хушаллиқи тәшвиқатидики көз боямчилиқини чандуруп қойди
