Antoniy blinkén: "Tramp hökümiti amérika-xitay munasiwitining kelgüsige yaxshi hül saldi!"

Jow baydin bashchiliqidiki yéngi nöwetlik amérika hökümiti ish bashlash harpisida amérika tashqi ishlar ministirining namzati boluwatqan antoniy blinkéin ependi "Donald trampning xitay heqqidiki közqarashliri bekmu orunluq. Xitay hazir shinjangda qirghinchiliq qiliwatidu" dédi.

Roytérs agéntliqining 19-yanwardiki xewiride éytilishiche, antoniy blinkén bu heqte qilghan sözide xitayning heqiqetenmu amérika üchün eng éghir tehdit bolup qéliwatqanliqini, shunga bundin kéyinki xizmetler üchün ikki partiye hemkarliqining emelge éshishi téximu téz bolidighanliqini alahide tekitlidi. Muxbirlar uningdin "Mayk pompéyoning Uyghurlar qirghinchiliqqa uchrawatidu, dégen qararigha siz qandaq qaraysiz" dep sorighanda u ikkilenmestin "Bu méningmu qararim" dégen. Shundaqla bu heqtiki tégishlik tedbirlerni ijra qilishning özi ishqa chüshken deslepki bir ay ichidiki muhim ishlar qataridin orun alidighanliqini bildürgen.

Xewerde éytilishiche, u donald tramp hökümitining xongkong we teywen mesililiridiki qarashlirinimu mu'eyyenleshtürgen bolup, bu yéngi hökümetning nöwettiki köp qisim tedbirlerni téximu yuqiri sewiyede ijra qilishidin bésharet, dep qaralmaqta iken. Bolupmu uning "Shi jinping hakimiyet béshigha chiqqandin buyan yoshurun halda özlirining xitay chégrasidin halqighan menpe'etlirini emelge ashurup keldi" dégen sözini bir qisim analizchilar nöwettiki amérika tashqi siyasitining chong jehettin özgermestin dawam qilishidin dérek béridu, dep qarimaqtiken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar